Qalalyq máslıhat depýtattaryna basqarma bastyqtary ekinshi jartyjyldyqtaǵy jumystary týraly esep berdi

dep habarlaıdy QazAqparat.

         Otyrys barysynda eki basqarmanyń bastyqtary bıylǵy jyldyń 2-shi jartyjyldyǵyndaǵy jumystary týraly da esep berdi. Jolaýshylar kóligi jáne avtomobıl joldary basqarmasynyń bastyǵy Vladımır Merenkovtyń aıtýynsha, basqarmaǵa bıylǵy jyly bıýdjetten 57,0 mıllıard teńge bólingen. Ótken 9 aıda bunyń 99,5 paıyzy nemese 44,9 mıllıardy ıgerilgen.Bunymen qatar Respýblıkalyq bıýdjetten 37,6 mıllıard teńge bólinip, ol 100 paıyz ıgerilgen. Bunyń ishinde metro qurylysyna jumystar bastalǵannan beri 98,8 mıllıard teńge bólingen, ótken 9 aıda onyń 16,6 mıllıardy ıgerilgen. Qazirgi kezde metro qurylysynda alǵashqy kezeńde aıaqtalýy tıis, uzaqtyǵy 8,56 shaqyrymdy quraıtyn 3 stansyny  montajdaý-árleý jumystary júrgizilýde. Al jol qurylysy men kópir qurylystaryna bólingen qarjynyń 15,6 mıllıard teńgesi ıgerilgen. Jalpy quny 12,7 mıllıard teńgelik 2 jol aıyryǵynyń qurylysy aıaqtalý ústinde. Bunymen qatar ótken 9 aıda jergilikti bıýdjetten shaǵyn aýdandarda jol salý, jóndeý úshin 7,5 mıllıard teńge bólinip, 97 paıyzy ıgerilgen. Al «Jol kartasy» baǵdarlamasy boıynsha 332 shaqyrymdyq jol jóndelý kózdelgen. Bul boıynsha 272 shaqyrym jol jóndelgen. Otyrys barysynda máslıhat depýtattary jóndelgen joldardyń sapasy, shaǵyn aýdandardyń joldaryndaǵy jyldamdyqty tejeıtin kedergiler, qoǵamdyq kóliktegi tártip máselesin kóterip, basqarma bastyǵyna osyny túzetý týraly usynys jasady. V.Merenkovtyń aıtýynsha, qalada qazirgi kezde jolaýshy tasymaldaýmen aınalysatyn 24 jeke jáne 1 memlekettik mekeme bar. Olardyń qaramaǵynda 2000 avtobýs, 46 tramvaı, 191 trolleıbýs bar. Bular 131 baǵytta qyzmet kórsetedi.  Otyrysta esep bergen Tabıǵı resýrstar jáne tabıǵatty paıdalaný basqarmasynyń bastyǵy Sultanbek Mákejanovtyń aıtýynsha, bıyl qala ekologııasyna bólingen qarjy 5 mıllıard 042 mıllıon 058 myń teńge bolǵan. Bular ózenderdi, saıabaqtar men gúlzarlardy, sý burqaqtaryn qaıta qalpyna keltirýge jumsalǵan. «Memlekettik jáne qalalyq baǵdarlamalar ýaqytynda júzege asyrylýda», degen S.Mákejanovqa máslıhat depýtattary ekologııalyq ahýaldy jaqsartý baǵytynda birqatar usynystar jasady. Máslıhat depýtattarynyń aıtylǵan usynystarynyń oryndalýy qos basqarmanyń keler jylǵy esebinde tyńdalatyn bolyp sheshildi.