«Qalalyq ıpotekalyq turǵyn-úı qurylysy» baǵdarlamasy boıynsha salynǵan páterler berile bastady - Ahmetjan Esimov
ALMATY. 25 qazan. QazAqparat - Almatyda «Qalalyq ıpotekalyq turǵyn-úı qurylysy» baǵdarlamasy boıynsha jyl sońyna deıin 960 páter paıdalanýǵa beriledi.
Ony shahar basshysy búgin «Aqbulaq» jáne «Alǵabas» yqsham aýdandaryndaǵy turǵyn-úı nysandaryna uıymdastyrylǵan baspasóz týry kezinde aıtty.
«Áleýmettik qyzmetkerlerge «2008-2010 jyldarǵa arnalǵan memlekettik turǵyn-úı qurylysy baǵdarlamasy» kezinde kezekke turǵan kóp turǵyndar baspana ala almady. Sondyqtan 2011 jyly jergilikti bıýdjet esebinen 2012-2014 jyldarǵa arnalǵan «Qalalyq ıpotekalyq turǵyn-úı qurylys» baǵdarlamasy bastalyp, oǵan 7 mıllıard teńge qarjy bólinip otyr. Bıylǵy jyly paıdalanýǵa beriletin 29 úıdegi 960 páterdiń 20 úıdegi 640 páteri berildi», - dedi Ahmetjan Esimov. Shahar basshysynyń aıtýynsha, 2014 jylǵa deıin bul baǵdarlama boıynsha jalpy 2500 páter paıdalanýǵa berilmek. Al qoldanysqa berilgen 40 páterdiń 570-in «2008-2010 jyldarǵa arnalǵan memlekettik turǵyn-úı qurylysy baǵdarlamasynda» kezekke turǵan otbasylar aldy. Baspanaly bolǵandar memlekettik mekemelerdiń, memlekettik kásiporyndar men memlekettik qyzmet qyzmetkerleri men jas otbasylar. Olar negizinen muǵalim, dáriger, kommýnaldyq qyzmet jumysshylar, quqyq qorǵaý organdarynyń qyzmetkerleri. Al qalǵan 70 páter jalǵa beriletin baspana alýǵa tizimdelgen jaýynger-ınternalısterge, otbasy tolyq emes januıalarǵa,1-2 toptaǵy múgedekter men zeınetkerlerge berilip otyr.
