Qalalyq depýtat deklaratsııada 600-ge jýyq páteriniń baryn kórsetti
ASTANA. QazAqparat - Kıev oblysy Irpen qalasynyń qalalyq keńes depýtaty Igor Overko tabystary týraly deklaratsııada 586 páteriniń baryn kórsetken.
Biryńǵaı memlekettik deklaratsııalar tizilimi saıtynda jarııalanǵan qujatqa sáıkes, atalǵan páterlerdiń 400-in ol satyp úlgergen, dep habarlaıdy QazAqparat RBK-ǵa silteme jasap.
Depýtattyń ıeliginde 186 páter qalyp otyr. Overkonyń barlyq jyljymaıtyn múlikti satýdan túsken paıdasy 50 mln grıvendi nemese 1,891 mln AQSh dollaryn qurady. Kópqabatty úılerdegi baspanadan bólek Overkonyń menshiginde tórt jer úı men 18 jer ýchaskesi bar.
Overko «Sınergııa» qurylys fırmasynyń basshysy jáne teń quryltaıshysy bolyp tabylady. Qalalyq keńes depýtaty deklaratsııada kórsetken jyljymaıtyn múlikterine qatysty túsinik berip úlgerdi jáne onda eshbir zań buzýshylyq joqtyǵyn málim etti.
«Men óz tabysyn ashyq jarııalaǵan azdaǵan depýtattardyń birimin. Men qurylyspen aınalysamyn jáne sonda barlyq qarajattarymdy salamyn», - dedi ol.
