Qalalyq №2 emhanada elorda turǵyndary úshin konsýltatsııalar uıymdastyryldy
ASTANA. QazAqparat - «Salamatty Qazaqstan» memlekettik baǵdarlamasyn iske asyrý maqsatynda aımaqtardyń aýyl turǵyndaryna arnalǵan 2011-2015 jyldar aralyǵynda «Densaýlyq joly» aktsııasy ótkizilip jatyr. Aktsııa shildeniń 1-nen tamyzdyń sońyna deıin jalǵasady, dep habarlady astana.gov.kz resmı saıty.
Aktsııa aıasynda Astana qalalyq №2 emhanada týberkýlezge qarsy dıspanser men JITS-qa qarsy kúres ortalyǵynyń mamandary turǵyndar úshin qabyldaý saǵattaryn uıymdastyrdy.
Sharanyń maqsaty - qoǵamnyń, memlekettik jáne memelekettik emes uıymdardyń nazaryn aýyl turǵyndarynyń densaýlyǵyn qorǵap, nyǵaıtý máselelerine aýdarý, aýyl turǵyndaryna salaýatty ómir saltyn qalyptastyrý jáne áleýmettik mańyzdy aýrýlardyń aldyn alý suraqtary boıynsha aqparattyq bilim berý men praktıkalyq kómek kórsetý.
Aktsııaǵa týberkýlezge qarsy dıspanserdiń mamandary, qalanyń medıtsınalyq uıymdar dárigerleri brıgadasy, salaýatty ómir saltyn qalyptastyrý ortalyǵynyń mamandary qatysty.
