Qalalyq aerotaksıdi engizý protsesi qaı kezeńde
ASTANA. KAZINFORM — Qalalyq aerotaksılerdi qondyrý qoný alańdary salynyp jatyr. Bul týraly búgin Úkimet otyrysynda Kólik mınıstri Nurlan Saýranbaev málim etti.
— Ozyq tehnologııalardy engizý jáne qalalyq aerotaksıdi (Urban Air Mobility) damytý máselesi pysyqtalyp jatyr. «Allıýr» jáne «Alataý Edvansd Grýpp» kompanııalary testilik pılotsyz ushý apparattaryn satyp alý protsesin iske asyryp otyr. Sonymen qatar qoný alańdaryn jáne operatsııalyq ortalyqtyń qurylysy bastaldy, — dedi Nurlan Saýranbaev.
Buǵan deıin qazaqstandyq áýe kompanııalaryna Taıaý Shyǵystaǵy jaǵdaı qalaı áser etip jatqanyn jazǵan edik.
2025 jyly qazaqstandyq áýe kompanııalar 15 mln jolaýshy tasymaldady. Bıylǵy alǵashqy 4 aıda jolaýshylar sany 4 mln-nan asty.
Sonymen qatar mınıstr úsh jylda eldegi áýejaılardyń ınfraqurylymyn jańartý erekshe baqylaýda bolatynyn aıtty.
