Qalalarymyzdyń negizgi kóshelerinde maskalar tegin taratylýy tıis - Qasym-Jomart Toqaev
NUR-SULTAN. QazAqparat - Qalalarymyzdyń negizgi kóshelerinde maskalar azamattarǵa tegin taratylýy tıis. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Áli kúnge deıin bizde jetkilikti kólemde betperde joq ekendigin aıtqym keledi. Degenmen, qaǵaz júzinde bári de jetkilikti sııaqty, sizder maǵan solaı baıandadyńyzdar. Ekinshi jaǵynan alyp qaraǵanda, adamdar dárihanalarda áli kúnge deıin osynaý betperdelerdiń tapshy ekendigine shaǵymdaný ústinde. Nelikten? Menińshe, bul alypsatarlyq. Úkimet belsendi sharalar qabyldap jatqanymen biz qalalarymyzdyń negizgi kóshelerinde mundaı betperdelerdi azamattarymyzǵa tegin taratatyndaı jaǵdaı jasaýmyz kerek. Bul Úkimet aldynda turǵan jedel ári shuǵyl shara sanalady»,- dedi Memleket basshysy.
