Qalalarǵa kire beristegi polıtsııa beketteri alynyp tastalady
NUR-SULTAN. QazAqparat -Jol boıynda turǵan polıtsııa beketteriniń sany qysqarady, dep habarlaıdy QazAqparat tilshisi.
«Іshki beketter qysqaryp, olar tek jalpy el aýmaǵynyń perımetri boıynsha qalady. Іshki beketterde jumys istegen 300-ge tarta qyzmetker basqa qurylymdarǵa aýystyrylady. Al jol boıynda bosap qalǵan beketter qatty sýyqta jylynatyn nemese daǵdarystyq jaǵdaılar úshin paıdalanylady. Qalalarǵa kire beristegi beketter de alynyp tastalady. Olar biraq kezeń-kezeń boıynsha taratylatynyn atap ótkim keledi», - dedi Іshki ister mınıstriniń orynbasary Alekseı Kalaıchıdı ІІM-de ótken otyrystan keıin tilshilerdiń suraǵyna jaýap berip.
Onyń aıtýyna qaraǵanda, polıtsııa beketterinde kezekshiliktegi tártip saqshylarynyń bári jumyssyz qalmaıdy. Jáne mundaı qadamdar qalaǵa tyıym salynǵan zattardyń kóbeıip ketýine muryndyq bolmaıdy.
«Tyıym salynǵan zattardy baqylaýda bizdiń múmkindikterimiz mol. Osy sharalardyń barlyǵyn da 1 shildege taıaý iske asyrmaqpyz», - dedi ol.
Aıta ketsek, búgin elordada ІІM men Memlekettik qyzmet isteri jáne sybaılas jemqorlyqqa qarsy is-qımyl agenttigi basshylyǵy, azamattyq qoǵam jáne BAQ ókilderimen kezdesý ótti. Kezdesýde Іshki ister mınıstrliginiń Jol kartasy negizinde qoǵamdastyq jáne vedomstvolar ázirlegen ishki ister organdaryndaǵy jemqorlyqpen kúrestiń úshjaqty jospary tanystyryldy.
