Qalalardy densaýlyqqa paıdaly etý múmkin be – VVS
NUR-SULTAN. QazAqparat - Álem elderi qala tirshiligin densaýlyqqa paıdaly etýge tyrysyp jatyr. «Qala adam ómirine qaýipti me nemese qalalardy adamnyń gúldenýine paıdaly qylýǵa bola ma?» dep jazady VVS.
Avtordyń aıtýynsha, qazirgi tańda Glazgo qalasynda turatyn adamdardyń jastaı ólip ketý qaýpi basym. Bul qalada er adamdar Ulybrıtanııanyń basqa qalalarymen salystyrǵanda jeti jyl erte kóz jumady. Osy kúnge deıin mundaı ólimniń sebebi jumbaq bolyp keldi.
«Zertteý nátıjelerine sensek, 1950 jyldan bastap qalalardy jobalaý sheshimi Glazgo halqynyń psıhıkalyq jáne fızıkalyq densaýlyǵyna keri áser etken, sonymen qatar halyqtyń kedeı bolýyna sebep bolǵan», deı kele avtor «basqa qalalar Glazgonyń qateligin qaıtalamaýy múmkin be?» dep suraıdy.
«Qala turǵyndarynyń psıhıkalyq densaýlyǵynyń nasharlaýy májbúrlik pe nemese qalalardy jobalaý, josparlaý mamandary qalany adam densaýlyǵyna paıdaly bolatyndaı etip josparlaı ala ma?», dep jazady basylym.
Avtordyń aıtýynsha, zertteý nátıjesinde qalalardaǵy arhıtektýra mı qurylymyn ózgertedi.
