Qalaǵa qonys aýdarǵandar arasynda 30 jasqa deıingi jastar 2-3 ese kóp

ASTANA. QazAqparat – Aýyldan qalaǵa kóshetinder arasynda 30 jasqa deıingi jastar qatary 2-3 ese kóp. Bul týraly Aqparat jáne qoǵamdyq damý mınıstrligi jarııalaǵan 2023-2027 jyldarǵa arnalǵan jastar saıasatynyń tujyrymdamasy týraly qujatta kórsetilgen, dep habarlaıdy QazAqparat tilshisi.

«Qazirgi ýaqytta aýyldyń mańyzdy áleýmettik máseleleriniń biri -jastardyń qalaǵa aǵylýy. 30 jasqa deıingi jastar aýyldan kelgen mıgranttar aǵynynyń jartysyna jýyǵyn quraıdy. Osy jastaǵylar aýyldan qalaǵa kóshetin jalpy aýyl turǵyndarnyń kólemimen salystyrǵanda 2-3 ese kóp. Kóshi-qondy da, aýyldaǵy ómir súrý jaǵdaılaryn da anyqtaıtyn negizgi problema jastardy jumyspen qamtý máselesi. Jumyssyzdyq problemalaryn sheshýdiń jalǵyz tıimdi ádisi - bul jańa jumys oryndaryn qurýdy yntalandyrý saıasaty. Bul tek ekonomıkalyq ósim men agrosalanyń jedel damýy jaǵdaıynda ǵana múmkin», - delingen qazirgi qalyptasqan jaǵdaıǵa jasalǵan taldaý málimetterinde.

Vedomstvo keltirgen derekke sáıkes, qazirgi jastardyń kóbi jumys berýshiniń talaptary men jalaqy mqlsherine kelise bermeıdi.

«Áleýmettanýshylar júrgizgen barlyq derlik zertteýler aýyl jastarynyń áleýmettik-ekonomıkalyq jaǵdaılarǵa óte sezimtal ekenin kórsetedi. Qazirgi jastardyń aldynǵy býynnan aıyrmashylyǵy búgingi urpaq naryqtaǵy eńbek rejımimen kelispeıdi jáne tómen jalaqyǵa tózbeıdi. Eger jumys perspektıvasy jáne qazirgi zamanǵy ómir standarttary boıynsha órkenıetti bolsa, jastar aýyldan ketpeıdi», - dep jazylǵan tujyrmdamada.