Qaladaǵy sońǵy meshit qırady

ASTANA. 21 qarasha. QazAqparat - Mıanmde býddashyl lańkester Arakan shtatyna qarasty Kıaýk Fıý qalasyndaǵy sońǵy meshitke shabýyl jasady. Meshittiń munarasy qulap, ǵıbadat úıine aıtarlyqtaı zaqym keldi.

«Keshe keshkisin biz meshitti búldirýge tyrysqan adamdardyń dabyr-dubyryn qulaǵymyz shaldy. Tańerteńgisin meshitke olardyń qandaı zııan keltirgenin óz kózimizben kórýge keldik»,- dedi jergilikti turǵyn Htýn Naıng Democratic Voice of Burma aqparat kózine bergen suhbatynda.

Bul oqıǵa dúısenbi kúni keshkisin oryn alǵan. Býddashylar toby aıdyń tolǵanyn atap ótý úshin jınalǵan eken. Olardyń keıbireýi Islam yntymaqtastyq uıymy delegatsııasynyń (IYU) Mıanmaǵa kelgenine narazylyq tanytqan kórinedi. Artynan qatygezdikke boı aldyrǵan olar jergilikti meshitti qıratýǵa kirisken.

Saǵat tili keshki 8-ge taqaǵan ýaqytta meshittiń munarasy qıratylyp, saǵat tili 11-ge ketkende ǵıbadat ǵımaratynan túk qalmaǵan, dep habarlady muslim.kz.