Qaladaǵy qoǵamdyq-tártip sharalaryna daıyndyq barysy pysyqtaldy - Astana
ASTANA. 7 maýsym. QazAqparat /Aqbota Kúzekbaı/ - Búgin Astana qalalyq Іshki ister departamentinde jýrnalısterge arnalǵan baspasóz brıfıngi ótkizildi.
Osynda 7 - 9 maýsym aralyǵynda ótetin VII Dúnıejúzilik Islam Ekonomıkalyq forýmy aıasynda qaladaǵy qoǵamdyq-tártip sharalaryna daıyndyq barysy pysyqtaldy. Atap aıtqanda, jol-kólik qaýipsizdigin qamatamasyz etý, qozǵalys beketteri boıynsha baqylaýdyń kúsheıtilýi, jaıaý sholǵynshylar men qadaǵalaý oryndarynyń táýlik boıy kúzetilýi qolǵa alyndy. Bul týraly Astana qalalyq ІІD-niń baspasóz hatshysy Nurdildá Oraz málim etti.
Sondaı-aq, ótken aptada Astanada bolǵan birqatar oqıǵalar baıandaldy. 3 maýsymda qaladaǵy Bógenbaı batyr kóshesinde «ıAmaha» mototsıklin mingen 1984 jylǵy azamat bóbekter qol arbasymen kele jatqan kelinshekti qaǵyp ketip, nátıjesinde, qatty soqqydan 2010 jyly týǵan sábı sol jerde kóz jumdy. Osymen baılanysty Qylmystyq Kodekstiń 296-babynyń 2-bólimi boıynsha is qozǵalyp, ol 5 jylǵa deıin bas bostandyǵynan aıyrylýy múmkin. Sonymen birge 31 mamyr kúni qalalyq ІІD-ne kelip túsken 1979 jylǵy azamatshanyń aryzy týraly aıtyldy. Boıjetken ózin «1984 jyly týǵan Tólegenov Batyr Uzaqpaıuly» dep tanystyrǵan jigitke qatysty shaǵym túsirgen. Qyzdyń aıtýy boıynsha, beıtanys jigit onyń senimine kirip, jigittiń oǵan úılený oıy baryn aıtyp, aldaý maqsatymen 2 mln. 145 myń teńge aqshasyn ıemdenip ketken. Jedel-izdestirý sharalary barysynda 1987 jylǵy astanalyq azamat «B» ustaldy. Oǵan qatysty Qylmystyq Kodekstiń 177-babynyń 3-bólimine sáıkes «alaıaqtyq» baby boıynsha is qozǵaldy.
