Kalachıdegi uıqy aýrýy: qazaqstandyq ǵalymdar onyń sebebi kómirtegi totyǵy deıdi

Ulttyq ıadrolyq ortalyǵy Radıatsııalyq qaýipsizdik jáne ekologııa ınstıtýty fılıalynyń dırektory Asan Aıdarhanov 2014 jyly Kalachı aýylynda paıda bolǵan beımálim uıqy aýrýyna qatysty júrgizilgen zertteýler qorytyndysy týraly aıtyp berdi, dep habarlaıdy Kazinform.

- Eshqandaı radıatsııamen baılanysty emes. Onda jaǵdaı óte kúrdeli. Nelikten barlyǵy birden radıatsııa týraly oılady, óıtkeni Kalachı aýyly qaraýsyz qalǵan ýran kenishinde ornalasqan. Tıisinshe, bul radıatsııanyń áseri degen kúdik týǵyzdy. Degenmen radıatsııanyń áserinen uıyqtap ketti degendi birinshi ret estip otyrmyn. Sondyqtan biz sol jerge arnaıy bardyq. Radon gazyna kúdik boldy. Ýran bar aımaqtarda bul tabıǵı qubylys, - dedi Asan Aıdarhanov jýrnalısterge baspasóz týry barysynda.

Aıtýynsha, zertteý nátıjeleri shetelge jiberilgen.

- Biz onda monıtorıngtik zertteýler júrgizdik, synamalar aldyq, biraq qandaı da bir normadan asyp ketken jaǵdaılardy anyqtaǵan joqpyz. Olar tipti zertteý derekterin Chehııa men Reseıge jiberdi. Olar radon gazynyń adamnyń uıyqtap ketýine eshqandaı áser etpeıtinin rastady. Bizdiń pikirimiz – kómirtegi totyǵynyń áseri kóbirek. Óıtkeni, birinshi kezekte adam kómirtegi totyǵyn sezinip, uıyqtaı bastaıdy.  Biz mundaı jaǵdaılarǵa peshti padaıdalaný jáne aýyldyń oıpatta ornalasýy sebep bolǵanyn boljap otyrmyz. Ol adamnyń boıyna jınalyp, belgili bir jaǵdaılarda adamdar uıyqtaı bastaıdy. , - dep atap ótti ol.

Eske sala keteıik, 2014 jyly Kalachı aýylynda uıqy aýrýy anyqtaldy. Atom ónerkásibiniń, geologııanyń jáne basqa salalardyń ókilderi jumbaq aýrýdyń sebebin anyqtaýǵa atsalysty.

Keıin uıqy aýrýy radıatsııalyq fonmen baılanysty emes ekeni aıtyldy.

Nazarbaev Ýnıversıtetiniń ǵalymdary sýdyń ýlanýy týraly gıpoteza jasady.

Kalachıde taǵy 8 adam «uıqy aýrýyna» shaldyqty.