Kalachı jəne Krasnogorsk aýyldarynda qalǵan 136 otbasy kóshýden bas tartty
KÓKShETAÝ. QazAqparat - Kalachı jəne Krasnogorsk aýyldarynda qalǵan 136 otbasynyń kóshkileri kelmeıdi. Bul týraly «QazAqparat» HAA tilshisine Aqmola oblysy Esil aýdanynyń əkimi Amanbek Qaljanov aıtty.
Əkimniń aıtýynsha, osy kúni «uıqy syrqaty» tabylǵan əri əleýeti tómen Kalachı jəne Krasnogorsk eldi mekenderiniń turǵyndaryn qaýipsiz aımaqtarǵa kóshirý jumystary məresine jetip otyr.
«Alǵashqy ret «uıqy aýrýy» 2013 jyldyń kókteminde tirkeldi. Sodan beri kóp adam osy dertke shaldyǵyp, birneshe zertteýler júrgizildi. Alaıda, odan esh nátıje bolmady. Sondyqtan, oblys əkimi Sergeı Kýlagınniń tapsyrmasyna sáıkes biz atalǵan aýyl turǵyndaryn qaýipsiz aımaqtarǵa kóshirýdi qolǵa aldyq. Osy kúnge deıin 78 otbasyn oblystyń ər aýdanyndaǵy aýyl sharýashylyǵy qurylymdarynyń basshylary ózderine kóshirip alsa, Jarqaıyń aýdanynyń Derjavınsk qalasyna 39 otbasy, Esil aýdanynyń ortalyǵy Esil qalasyna 97 otbasy (alǵashynda 43, keıin taǵy 54 otbasy) qonystandyryldy. Al, Kalachı aýylynda qalǵan 108 otbasy men Krasnogorsk aýylynda qalǵan 18 otbasyna sońǵy merzim (barlyǵy 136 otbasy) 1-shi qyrkúıekke deıin kóshýlerine ýaqyt berdik.
Alaıda, atalǵan otbasylar qonys aýdarýdan bas tartty. Biz ərıne eshkimdi kúshtep kóshire almaımyz. Sondyqtan kóshkileri kelmeıtinder aýyldarynda qala beredi. Al, olarǵa arnalǵan Esildegi 20 pəter jəne Derjavınskidegi 36 páterdi endi úı kezeginde turǵan jetim balalarǵa beretin bolamyz», dep atap ótti A.Qaljanov.
Aýdan əkiminiń aıtýynsha, kóshýden bas tartqan Kalachı jane Krasnogorsk aýyldarynyń turǵyndaryna qalaı bolǵanda da əkimdik tarapynan jaǵdaı jasalyna bermek.
«Qazirgi kezde osy eki aýylda barlyǵy 23 bala bar bolsa, onyń 20-y Esildegi mektep ınternatynda bilim alýda. Olar avtobýspen tegin tasymaldanady. Al, qalǵan 3 bala aýylda oqıdy. Sol úshin aýylda bastaýysh mekteptiń ustap otyrmyz», deı kele, Amanbek Qaljanov keıbir BAQ-da aıtylyp júrgen «uıqy aýrýynyń» sebebi anyqtaldy degen məlimetterdi joqqa shyǵaryp otyr.
«Kalachı jəne Krasnogorsk turǵyndaryn alańdatqan dert týraly kóptegen boljamdar aıtylǵanymen naqty zertteý sheshimi shyqqan joq. Sol sebepti derttiń adam densaýlyǵyna tıgizetin zııany men aldaǵy ýaqytta da qaıtalanbaıtynyn da naqty aıta almaımyz. Keıbir BAQ-da aıtylyp júrgen «Uıqy aýrýynyń» sebebi anyqtaldy» degen məlimetter shyndyqqa janaspaıdy», dep sózin qorytyndylady aýdan əkimi.
