Kalachı aýylyndaǵy radıatsııalyq fon Astana men Almatydaǵy kórsetkishpen birdeı - Energetıka mınıstrligi

ASTANA. QazAqparat - Turǵyndary túsiniksiz sebeptermen uıqy aýrýyna ushyraǵan Kalachı aýylyndaǵy radıatsııalyq fon Astana men Almatydaǵy kórsetkishpen birdeı.

Bul týraly búgin QR Parlamenti Májilisinde «Atom energııasyn paıdalaný týraly» zań jobasynyń tanystyrylymynan keıin jýrnalısterdiń suraqtaryna jaýap bergen QR Energetıka vıtse-mınıstri Baqytjan Jaqsalıev aıtty.

«Kalachıdegi adamdardyń jappaı uıqy aýrýyna ushyraýyna aýylda buryn bolǵan ýran shahtalarynyń qatysy bar deýge eshqandaı tikeleı alǵysharttar joq. Soǵan qatysty tikeleı belgiler de baıqalmady. Sonymen qatar, qazir Kalachı aýylynda ıadrolyq jáne radıoaktıvti qaýipsizdik boıynsha tolyq monıtorıng júrgizilip jatyr. Onda jumys istep jatqan arnaıy top radıatsııalyq fonnyń eshqandaı ózgerisin baıqamady. Kalachı aýylyndaǵy ratsıatsııalyq ahýal Astana men Almatydaǵymen birdeı, - dedi B. Jaqsalıev.