Kalachı aýylyn jaılaǵan «uıqy dertine» qatysty aldyn ala qorytyndy jasaldy
ASTANA. QazAqparat - Kalachı kenti men Krasnogorskıı aýylyn jaılaǵan «Uıqy dertin» zertteý jumystary jalǵasýda, dep habarlaıdy QR DSM baspasóz qyzmeti.
Jumys toby saraptama nátıjeleri negizinde aýrý belgileriniń paıda bolýyna jylý maýsymynda jertólelerde jáne jeldetilmeıtin turǵyn úılerde jınalyp qalatyn býlanýdyń joǵary kontsentratsııasy sebep boldy degen aldyn ala qorytyndy jasap otyr. Aýrýhanaǵa jetkizilgen naýqastar turatyn úılerde (onyń ishinde jertólelerde) jasalǵan saraptamalar sony kórsetken. Aýrý maýsymǵa qaraı, negizinen jeltoqsan aıynyń sońy men naýryzdyń basynda paıda bolady. Taralý kózin anyqtaý qajettigi esepke alyna otyryp, materıaldar QR Qorshaǵan ortany qorǵaý jáne sý resýrstary mınıstrligi janyndaǵy vedomstvoaralyq komıssııaǵa berildi. Ulttyq ıadrolyq ortalyqtyń óńirdegi jumysy jalǵasýda. Buǵan deıin de habarlanǵandaı, 2013 jylǵy naýryz aıynan bergi kezeńde «uıqy dertine» sebep bolýy múmkin barlyq faktorlarǵa qatysty 7 myńǵa tarta zertteýler júrgizildi. Radıatsııalyq fonnyń, aýyr metaldar tuzynyń shekti kontsentratsııasynyń artýy anyqtalǵan joq. Bakterııalyq jáne vırýsologııalyq saraptamalar teris nátıje kórsetti.
