Qala jáne aýdan ákimderi: Osy aptada qaı óńirde eń kóp taǵaıyndaý boldy

Memleket basshysynyń Jarlyǵymen Qazaqstan Respýblıkasy Konstıtýtsııalyq Sotynyń sýdıasy Baqyt Maratuly Nurmuhanov Konstıtýtsııalyq Sot Tóraǵasynyń orynbasary laýazymyna taǵaıyndaldy. 

Baqyt Maratuly 1979 jylǵy 13 mamyrda dúnıege kelgen. Shyǵys Qazaqstan memlekettik ýnıversıtetin «Quqyqtaný» mamandyǵy boıynsha 2000 jyly bitirgen. Zań ǵylymdarynyń kandıdaty (2010).

Burynǵy Senat tóraǵasy Máýlen Áshimbaev Zaıd atyndaǵy halyqaralyq adamzat baýyrlastyǵy syılyǵynyń qazylar alqasynyń quramyna saılandy. 

Maýlen Áshimbaev qazylar alqasynyń quramyna (Judging Committee) Mysyrdaǵy Ál-Azhardyń Bas ımamy Ahmad at-Taıebtiń usynysymen endi. Qazylar alqasy músheleriniń mindeti — adamzat baýyrlastyǵy qundylyqtaryn óz ómiri men qyzmeti arqyly barynsha aıqyn kórsetken, sondaı-aq álemdegi adamdar men qaýymdastyqtarǵa úlgi bola alatyn tulǵalar men uıymdardy anyqtaý.

Aıta keteıik, Qazaqstanda biryńǵaı Qarjy ombýdsmeni qyzmeti qalyptasty. Jańa ınstıtýt jumysyn 2027 jylǵy 1 qańtardan bastaıdy. Bas qarjy ombýdsmany jáne qyzmetin qosa atqaratyn baǵaly qaǵazdar naryǵyndaǵy qarjy ombýdsmany bolyp Marııa Jamalovna Hadjıeva saılandy. 

Qarjy naryǵynda retteý men qadaǵalaýda kóp jyldyq tájirıbesi bar. Ádilet mınıstrliginde, Ulttyq Bankte jáne qarjylyq qadaǵalaý organdarynda jumys istegen. 2019-2025 jyldary Qarjy naryǵyn retteý jáne damytý agenttigi tóraǵasynyń orynbasary qyzmetin atqarǵan.

Aqtóbede Mártók aýdany ákiminiń qyzmetine Nurjan Maqsatov taǵaıyndaldy. 

Ol 2014 jyly Qazaqstan-Brıtan tehnıkalyq ýnıversıtetiniń qarjy, 2018 jyly QR Prezıdenti janyndaǵy Memlekettik basqarý akademııasyn memlekettik jáne jergilikti basqarý mamandyqtary boıynsha támamdaǵan. 

Osy aptada QR Prezıdenti ákimshiliginiń jáne Yrǵyz aýdandyq máslıhat depýtattarynyń kelisimimen Yrǵyz aýdanynyń ákimi laýazymy qyzmetine Rústem Óteshov kiristi. 

Ol Q.Jubanov atyndaǵy Aqtóbe memlekettik ýnıversıtetin áleýmettik ortada jáne salalardaǵy ekonomıst menedjeri, Qazaq gýmanıtarlyq zań ýnıversıtetin quqyqtaný mamandyqtary boıynsha támamdaǵan.

Budan bólek, Aqtóbede birqatar basqarmaǵa jańa basshysy taǵaıyndaldy.

Oblystyq mádenıet, arhıvter jáne qujattama basqarmasynyń basshysy qyzmetin Medet Ysqaqov atqarady. Al oblystyq ekonomıka jáne bıýdjettik josparlaý basqarmasyn Adaıbek Esenamanov basqarady. 

Medet Ysqaqov eńbek jolyn 2000 jyly Q.Medetov atyndaǵy Mártók balalar óner mektebinde dombyra klasynyń muǵalimi bolyp bastaǵan. 2026 jyldyń 28 qyrkúıegine deıin Mártók aýdanynyń ákimi qyzmetinde boldy.

Adaıbek Esenamanov 2013-2019 jyldary Aqtóbe oblysynyń qarjy basqarmasynda bas maman jáne bólim basshysy laýazymdarynda eńbek etti. 2025 jylǵy qazan aıynan bastap osy ýaqytqa deıin Aqtóbe oblysy ákimi apparaty basshysynyń orynbasary qyzmetin atqaryp keldi.

Sonymen qatar Aqtóbe oblystyq Aýyl sharýashylyǵy basqarmasynyń basshysy qyzmetine Asylhan Ábtıev, al oblystyq Tilderdi damytý basqarmasyna Altynaı ıÝnısova taǵaıyndaldy. 

A. Ábtıev 1999 jyly Batys Qazaqstan agrarlyq ýnıversıtetin agronomııa mamandyǵy boıynsha támamdaǵan. 2025 jylǵy jeltoqsannan bastap jańa qyzmetke taǵaıyndalǵanǵa deıin ol Aýyl sharýashylyǵy mınıstrliginiń Agroónerkásiptik keshendegi memlekettik ınspektsııa komıteti Atyraý oblystyq aýmaqtyq ınspektsııasynda boldy.

Altynaı ıÝnısova eńbek jolyn 1994 jyly Aqtóbe oblystyq teleradıokompanııasynyń dıktory retinde bastaǵan. 2017-2020 jyldary Aqtóbe qalalyq Mádenıet jáne tilderdi damytý bólimin basqardy.

Aqtóbe qalasy Almaty aýdanynyń ákimi bolyp Muqanbetqalı Esenǵalıev taǵaıyndaldy. 

Ol 1987 jyly dúnıege kelgen. Bilimi joǵary, Q.Jubanov atyndaǵy Aqtóbe memlekettik ýnıversıtetin «Memlekettik jáne jergilikti basqarý» mamandyǵy boıynsha, Qazaq-Orys Halyqaralyq ýnıversıtetin «Quqyqtaný» mamandyǵy boıynsha aıaqtaǵan.

Bul aptada Aıbek Qosýaqov Mańǵystaý oblysy ákimi apparatynyń basshysy bolyp taǵaıyndaldy. 

Ol 1975 jylǵy 15 qazanda Mańǵystaý oblysy Mańǵystaý aýdanynyń Ushtaǵan aýylynda dúnıege kelgen. 1997 jyly Sh. Esenov atyndaǵy Aqtaý ýnıversıtetin «Munaı jáne gaz uńǵymalaryn burǵylaý» mamandyǵy boıynsha, 2013 jyly D. A.Qonaev atyndaǵy kólik jáne quqyq gýmanıtarlyq ýnıversıtetin «Ekonomıka» mamandyǵy boıynsha támamdaǵan.

Erǵalı Skendırov Mańǵystaý oblysy Mańǵystaý aýdanynyń ákimi bolyp taǵaıyndaldy. 

E. Sısenǵalıuly 1983 jyly Mańǵystaý oblysy Mańǵystaý aýdanynyń Shetpe aýylynda dúnıege kelgen. 2006 jyly «Turan-Astana» ýnıversıtetin «Quqyqtaný» mamandyǵy boıynsha támamdaǵan.

Erbol Derbisov Túpqaraǵan aýdanynyń ákimi laýazymyna taǵaıyndaldy. 

E. Qalymuly 1986 jyly týǵan, bilimi joǵary, 2008 jyly Ál-Farabı atyndaǵy Qazaq ulttyq ýnıversıtetiniń «Zańger» bakalavry mamandyǵy boıynsha jáne 2010 jyly Ál-Farabı atyndaǵy Qazaq ulttyq ýnıversıtetiniń «Quqyqtaný» magıstri mamandyǵy boıynsha bitirgen.

Osy aptanyń ortasynda Atyraý qalasynyń ákimi bolyp «Atyraý» áleýmettik kásipkerlik korporatsııasynyń basshysy Danııar Tahanov taǵaıyndaldy. 

Ol 1985 jyly Atyraý qalasynda dúnıege kelgen. 2003-2007 jyldary Qytaı munaı ýnıversıtetinde iskerlik ákimshilendirý mamandyǵy boıynsha bakalavr dárejesin aldy. 2007-2009 jyldary atalǵan ýnıversıtette ekonomıka salasynda magıstratýrada bilim alyp, Qazaqstan Respýblıkasy Prezıdentiniń «Bolashaq» halyqaralyq stıpendııasynyń ıegeri atandy.

Atyraý oblysynda jýyrda qurylǵan Balalardyń quqyqtaryn qorǵaý basqarmasyna Gúlnafıs Aıshýaqova basshy bolyp taǵaıyndaldy. 

G. Aıshýaqova 1984 jylǵy 24 qarashada dúnıege kelgen. 2007 jyly Qazaq gýmanıtarlyq-zań ýnıversıtetin «Quqyqtaný» mamandyǵy boıynsha támamdaǵan.

Kemel Imanǵalıev Memlekettik eńbek ınspektsııasy komıtetiniń Atyraý oblysy boıynsha departamenti basshysy – memlekettik eńbek ınspektory bolyp taǵaıyndaldy. 

Ol 1981 jyly Atyraý oblysy Inder aýdanynda dúnıege kelgen. Zańger mamandyǵy boıynsha joǵary bilim alǵan.

Almaty oblysy ákiminiń ókimimen Tańat Aıdarbekov Kegen aýdanynyń ákimi laýazymyna taǵaıyndaldy. 

Tańat Esenkeldiuly 1971 jyly týǵan. Bilimi joǵary, 1996 jyly Qazaq memlekettik agrarlyq ýnıversıtetin «Býhgalterlik esep, baqylaý jáne ákimshilik-sharýashylyq qyzmeti» mamandyǵy boıynsha jáne 2017 jyly Qazaqstan ınjenerli-pedagogıkalyq halyqtar dostyǵy ýnıversıtetin «Quqyqtaný» mamandyǵy boıynsha támamdaǵan.

Arman Aıshýaqov endi Almaty oblystyq Sáýlet jáne qala qurylysy basqarmasyn basqarady. 

Arman Erkinuly 1991 jyly týǵan. Bilimi joǵary, 2013 jyly Halyqaralyq Bilim Berý Korporatsııasynyń «Qazaq bas sáýlet-qurylys akademııasyn» «Sáýlet» mamandyǵy boıynsha aıaqtap, 2014 jyly atalǵan bilim ordasynda «Sáýlet» mamandyǵy boıynsha magıstr dárejesin alǵan. 2023 jyly Prezıdent janyndaǵy memlekettik basqarý akademııasyn «Memlekettik jáne jergilikti basqarý» mamandyǵy boıynsha támamdaǵan.

Almaty oblysy ákiminiń ókimimen Ánýar Áskerbekov Talǵar aýdanynyń ákimi laýazymyna taǵaıyndaldy.

Ol 1992 jyly dúnıege kelgen. 2014 jyly Ál-Farabı atyndaǵy Qazaq ulttyq ýnıversıtetin «Ekonomıka» mamandyǵy boıynsha, 2016 jyly M. H. Dýlatı atyndaǵy Taraz memlekettik ýnıversıtetin «Quqyqtaný» mamandyǵy boıynsha aıaqtap, 2020 jyly Qazaq ulttyq agrarlyq ýnıversıtetinde magıstr dárejesin alǵan.

Baqytjan Ábdireıimjanuly Júnisbekov Astana qalasynyń Іshki saıasat basqarmasynyń basshysy bolyp taǵaıyndaldy.

Osyǵan deıin ol Astananyń Esil aýdany ákimi apparatynyń basshysy qyzmetin atqarǵan. Baqytjan Júnisbekov – bilimi boıynsha saıasattanýshy. Abaı atyndaǵy Qazaq ulttyq pedagogıkalyq ýnıversıtetin támamdaǵan. L.N. Gýmılev atyndaǵy Eýrazııa ulttyq ýnıversıtetinde saıasattaný magıstri dárejesin alǵan.

Jetisý oblysy ákiminiń ókimimen Azamat Beısbaev oblystyq energetıka jáne turǵyn úı-kommýnaldyq sharýashylyq basqarmasynyń basshysy bolyp taǵaıyndaldy. https://www.gov.kz/memleket/entities/zhetysu-oblysy/press/news/details/1301946?lang=kk

Azamat Qanaıbekuly 1986 jyly týǵan. Bilimi joǵary. Abaı atyndaǵy Qazaq Ulttyq pedagogıkalyq ýnıversıtetin, M.H.Dýlatı atyndaǵy Taraz memlekettik ýnıversıtetin jáne D. Serikbaev atyndaǵy Shyǵys Qazaqstan tehnıkalyq ýnıversıtetin quqyqtaný, sý resýrstary jáne sýdy paıdalaný, qurylys mamandyqtary boıynsha bitirgen.

Talǵat Ahmetov 29 qyrkúıekten bastap Almaty qalasy Qoǵamdyq keńistikterdi damytý basqarmasynyń basshysy bolyp taǵaıyndaldy. 

Ol 1990 jyly 16 shildede Shyǵys Qazaqstan oblysynda dúnıege kelgen. D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin jáne Qazaqstan-Amerıkandyq erkin ýnıversıtetin támamdaǵan. Aspap jasaý, ekonomıka, quqyqtaný jáne qurylys salalary boıynsha bilimi bar.

Almaty qalasy Jumyldyrý daıyndyǵy, aýmaqtyq jáne azamattyq qorǵanys basqarmasynyń basshysy qyzmetine Aıdos Nurlybaev taǵaıyndaldy. 

Ol 1973 jyly 28 tamyzda Almaty oblysynda dúnıege kelgen. Qazaq ulttyq tehnıkalyq ýnıversıtetin, «Turan» ýnıversıtetin jáne Qazaq ulttyq agrarlyq zertteý ýnıversıtetin támamdaǵan. Mamandyǵy boıynsha ınjener-metallýrg, zańger, sondaı-aq iskerlik ákimshilendirý salasy boıynsha dárejesi bar.

29 qyrkúıekten bastap Almaty qalasy Kásipkerlik jáne ınvestıtsııalar basqarmasynyń basshysy qyzmetine buǵan deıin Almaty qalasy Áýezov aýdany ákiminiń orynbasary bolǵan Berik Soltanbaev taǵaıyndaldy. 

B. Soltanbaev 1990 jyly 28 sáýirde Almaty oblysynda dúnıege kelgen. «Parasat» Qazaqstan kópsalaly ınstıtýtyn, Halyqaralyq bilim berý korporatsııasyn, Qazaq ulttyq agrarlyq ýnıversıtetin jáne Narhoz ýnıversıtetin támamdaǵan. Qurylys, tehnıka jáne tehnologııalar, quqyq jáne iskerlik ákimshilendirý salalary boıynsha bilimi bar.

Shyǵys Qazaqstan oblysy ákiminiń ókimimen Raýan Jampeısov Shyǵys Qazaqstan oblysynyń Іshki saıasat basqarmasynyń basshysy laýazymyna taǵaıyndaldy. 

Raýan Asylhanuly 1983 jyly Shyǵys Qazaqstan oblysynyń Kúrshim aýdanynda dúnıege kelgen. Eńbek jolyn 2006 jyly bastaǵan. Ár jyldary Glýbokoe aýdanynda túrli laýazymdarda eńbek etti.

Apta sońynda Túrkistan oblystyq qoǵamdyq damý basqarmasynyń basshysy bolyp Janar Bektaeva taǵaıyndaldy.

Janar Álibekqyzy 1982 jyly Jambyl oblysynyń Qarataý qalasynda dúnıege kelgen. Bilimi joǵary. 2006 jyly Q. A. ıAsaýı atyndaǵy halyqaralyq qazaq-túrik ýnıversıtetin «Saıasattaný» mamandyǵy boıynsha bitirgen. Saıasattaný mamandyǵy boıynsha magıstr dárejesi bar. 2017 jyly Almaty ekonomıka jáne statıstıka akademııasyn «Ekonomıka» mamandyǵy boıynsha támamdaǵan.

«Qazaqstan Respýblıkasynyń Ulttyq ıadrolyq ortalyǵy» RMK Bas dırektory bolyp Ǵumar Ekpinuly Serǵazın taǵaıyndaldy.

Ǵumar Serǵazınniń atom salasynda memlekettik basqarý salasynda kóp jyldyq tájirıbesi bar. Ár jyldary ol QR Energetıka mınıstrliginiń Atom jáne energetıkalyq qadaǵalaý jáne baqylaý komıtetinde basshylyq qyzmetter atqardy, 2017-2023 jyldary Komıtet tóraǵasynyń orynbasary boldy. 2023 jyldan bastap QR Energetıka mınıstrliginiń Atom energetıkasy jáne ónerkásibi departamentin basqardy, keıinnen QR Atom energııasy jónindegi agenttigi tóraǵasynyń orynbasary bolyp taǵaıyndaldy.