Qala turǵyndary skrınıngtik tekserýden turǵylyqty jerlerindegi emhanalarda óte alady
ASTANA. 15 aqpan. QazAqparat - Elordanyń densaýlyq saqtaý qyzmetkerleri eń kóp taraǵan jáne qaýipti aýrýlardy erte kezeńinde anyqtaý maqsatynda halyqty turaqty túrde tekserýden ótkizýde. 2012 jyly tekserýden 417 926 adam ótti. Bul týraly Astana qalasynyń Densaýlyq saqtaý basqarmasy habarlaıdy.
Skrınıngtik baǵdarlamaǵa engen aýrýlar tizbesi óte aýqymdy. Elordanyń resmı saıtynyń jazýynsha, ótkizilgen skrınıngtik tekserýdiń arqasynda 2012 jyly isiktiń 3 046 oqıǵasy anyqtalyp, onyń 35-i sút bezi isigi, 1 124-i jatyr moıny syrqaty, 3-ýi - jatyr moıny isigi boldy. Sonymen qatar, 231 oqıǵa qant sýsamyry, 84 - glaýkoma, 3 829-y qan aınalymy júıesi aýrýy, sondaı-aq, sańyraýlyqtyń týabitti, tuqym qýalaýshylyq aýrýynyń 6 oqıǵasy, «V» jáne «S» gepatıtimen zaqymdanǵan 778 fakti tirkeldi. Sonymen qatar, bıylǵy jyly óńesh jáne asqazan, baýyr men qýyq bezi qaterli isikterin erte kezeńde anyqtaý úshin tekserýdiń jańa túri engizildi.
