Qala turǵyndary aqýyz jáne maılardan turatyn tamaq ónimderin kóbirek tutynady
ASTANA. 16 mamyr. QazAqparat - 2012 jylǵy úı sharýashylyqtarynyń irikteme zertteý derekteri boıynsha tamaq deprıvatsııasynyń deńgeıi nemese tamaqtaný kalorııasy shekti deńgeıden tómen halyqtyń úlesi 1,8 paıyzdy qurady.
Bul kórsetkishtiń aıtarlyqtaı saralanýy turǵylyqty jeriniń túrine qaraı baıqalady. Bul týraly QR Statıstıka agenttiginen habarlandy.
Atap aıtqanda, 2012 jyly qalalyq jerdegi tamaqtaný kalorııasy shekti deńgeıden tómen halyqtyń úlesi aýyldyq deńgeıden 3 eseden astam artty. Qala men aýyl arasyndaǵy aıyrmashylyq aýyldyq jerdegi halyqtyń tutynǵan tamaq ónimderiniń asa joǵary energetıkalyq qundylyǵymen, sondaı-aq olardyń tutyný ratsıonynyń teńdestirilgenimen túsindiriledi.
2012 jylǵy tutynylǵan tamaq ónimderiniń energetıkalyq qundylyǵy kúnine ortasha jan basyna 3169 kkal qurady. Energetıkalyq qundylyqty tutynýdyń óńirlik saralanýyn qarastyra otyryp, elimizdiń barlyq óńirlerinde energııany tutyný deńgeıi energetıkalyq qundylyqtarǵa eń tómengi qajettilikterden artqandyǵyn atap kórsetýge bolady.
«Eger halyq tutynǵan tamaq ónimderiniń hımııalyq quramyn qarastyratyn bolsaq, onda qalalyqtar aqýyz jáne maılardan turatyn (et, et ónimderi, balyqtyń maıly túrleri) tamaq ónimderin kóbirek tutynatyndyǵyn, al aýyldyq jerde jarma ónimderi, makarondar, nan sekildi taǵam túrleri basym ekendigin atap aıtýǵa bolady. Bul qala men aýyl arasyndaǵy osy tamaq ónimderiniń quny jáne qoljetimdilik aıyrmashylyǵymen negizdelgen»,-delingen Statıstıka agenttiginiń málimetinde.
