Qala syrtyndaǵy úıdiń jaldaý quny aıyna 75 myń dollarǵa baǵalandy
ASTANA. 2 naýryz. QazAqparat - Máskeý túbindegi Rýblev-Ýspen tasjolynyń 18-shaqyrymyndaǵy qala syrtyndaǵy jaıly úı jalǵa berý naryǵyndaǵy eń qymbat baǵaǵa ıe boldy, dep habarlady Lenta.rý agenttigi.
IntermarkSavills kompanııasynyń zertteýleri boıynsha, bul úı jaldaýshyǵa aıyna 75 myń dollarǵa túspek.
Tórt qabatty jalpy aýdany 1400 sharshymetrdi quraıtyn úı 45 sotyq aýmaqta ornalasqan. Tamasha landshaft dızaıny, balalar alańqaıy jáne qonaqúıi bar. Ol zamanaýı tehnıkamen jabdyqtalǵan, bılıard, basseın, fın monshasy jáne kamın zaly bar. Nysan táýlik boıy kúzetke alynǵan.
Sarapshylardyń málimetterine qaraǵanda, Máskeý túbinde bul segmentte ádette jalǵa berý baǵasy aıyna 25 myń dollardy quraıdy. Olardyń aýdany 400 sharshymetrden asyp, kóbine 1000 sharshymetrge deıin jetedi.
Taldaýshylardyń pikirinshe, Máskeý oblysynda qala syrtyndaǵy turǵyn úı naryǵynda jaldaý quny aıyna 35 myń rýbldi quraıtyn nysandar úlken suranysqa ıe.
