Qala shetinde qoqys taý bop úıilip jatyr - Astana ákimi qurylys kompanııalaryna shúılikti
ASTANA. QazAqparat - Qurylys kompanııalarynyń jaýapsyzdyǵy saldarynan qala shetinde júzden astam qoqys úıindileri jınalyp qalǵan. Bul týraly basshysy Astanadaǵy qurylys jumystarynyń sapasy talqylanǵan keńeste qala ákimi Áset Isekeshev málim etti, dep habarlaıdy QazAqparat tilshisi.
«Qarańyzdar, qalamyzda eki júzden astam qurylys kompanııasy bar. Olardyń tek 49-y polıgonmen (qoqys polıgonymen - avt.) kelisimge otyrǵan. ıAǵnı, 150-i ol kelisim jasamaǵan. Olardyń qoqysty qaıda tastap jatqany belgisiz. Tipti kelisimge kelgenderdiń ózi de qoqysty shyǵarmaıtyn jaǵdaılar kezdesedi. Sondyqtan, qala shetinde tabıǵatqa zalalyn keltirip jatqan júzden astam qoqys úıindisine «ıe bolyp» otyrmyz. Qaıtalamaı-aq qoıaıyn. Áleýmettik jeliler men BAQ betterinde ol týraly dálelder tolyp tur», - deıdi ol.
Osyǵan baılanysty Isekeshev jergilikti polıtsııa qyzmetine, ekologııa departamentine, qorshaǵan ortany qorǵaý basqarmasyna táýlik boıǵy monıtorıng júrgizýdi tapsyrdy.
«Búkil Astana boıynsha qurylys kompanııalarynyń barlyǵy qoqys úshin bir jylda 55 mıllıon teńge tólegen. Olar úshin 55 mıllıon teńge degen ne? Bir nemese eki páter ǵana. Al qanshama qoqys qala syrtyna shyǵarylyp jatyr. Sondyqtan, jumysty kúsheıtý kerek. Meniń túsinýimshe, ákimshilik jaýapkershilikke tartyp jatqanymyzben, bul sharalar tıisti dárejede áser etpeı jatqan sekildi. Endeshe, kompanııalarǵa kún saıyn aıyppul salý kerek. Buzýshylyqqa jol berý tıimsiz bolatyndaı jaǵdaı jasaý kerek. Qala syrtyna shyǵyńyzdar - qoqys taý bop úıilip jatyr. Turǵyn úı massıvteriniń turǵyndarynyń shaǵymynda shek joq. Sondyqtan, aýdan ákimderi, ekologııa departamenti buny qolǵa alý kerek», - dedi Áset Isekeshev.
