Qala ortalyǵynda kóligin teris qaratyp júrgen shymkenttik ákimshilik jaýapkershilikke tartyldy

ShYMKENT. QazAqparat – Túngi mezgilde kóligin teris qaratyp aıdap júrgen shymkenttikke ákimshilik hattama toltyryldy. Al, kóligi aıyp turaǵyna qoıyldy, dep habarlaıdy QazAqparat tilshisi.

Oqıǵa túngi saǵat 01:20 shamasynda D.Qonaev dańǵylynyń boıynda bolǵan. Lada 21140 markaly kólik quralynyń júrgizýshisi kóligin artqy júrispen basqaryp, ózge kólik quraldarynyń qozǵalysyna qasaqana kedergi keltirgen.

«Jol erejesin óreskel buzǵan kólik júrgizýshisi Shymkent qalasynyń 20 jastaǵy turǵyny ekeni anyqtaldy. Atalǵan jaıt ÁQBtK-niń 614-babynyń 1-bóligi, ÁQBtK-niń 606-babynyń 1-bóligi, ÁQBtK-niń 595-babynyń 2-bóligi jáne ÁQBtK-niń 613-babynyń 1-bóligi boıynsha tirkelip, ákimshilik hattamalar toltyryldy» - delingen Shymkent qalasy polıtsııa departamentiniń baspasóz qyzmeti taratqan aqparatta.

Vıdeodan alynǵan kadr