Qala ortalyǵynda avtomatpen oq atqan qostanaılyq ustaldy
QOSTANAI. QazAqparat - Qostanaı turǵyny aýlada turyp avtomattan oq atqan, dep habarlaıdy QazAqparat tilshisi.
Aqparatty oblystyq polıtsııa departamentiniń baspasóz qyzmeti rastady. Oqıǵa oblys ortalyǵynda Sportıvnaıa kóshesinde bolǵan.
«Oqıǵa ornyna kelgen polıtseıler tergeý barysynda Kalashnıkov avtomatyn tárkilenip, saraptamaǵa jiberildi. Júrgizilgen saraptamaǵa sáıkes, avtomatqa jaýyngerlik patrondar salynbaǵany anyqtaldy. Qarý mádenı jáne oqý-jattyǵý maqsattarynda paıdalanýǵa arnalǵan. Atalǵan fakti boıynsha QR ÁQBtK-niń 436-babymen ákimshilik hattama toltyryldy. Ákimshilik is júrgizý materıaldary odan ári sotqa beriletin bolady», - dedi oblystyq polıtsııa departamentiniń baspasóz hatshysy Irına Bejenar agenttik tilshisine.
Kúdiktiniń avtokóligin tekserý barysynda kók tústi ósimdik tektes zat tabyldy, ol saraptamaǵa jiberilgen.
Sotqa deıingi tergeý bastaldy.
