Qala men aýyl mektepteriniń bilim berý sapasynda teńsizdikter oryn alyp otyr - A. Sárinjipov
Mınıstrdiń sózine qaraǵanda, elimizdegi apatty mektepterdiń 93 paıyzy jáne sport zaldary joq mektepterdiń 80 paıyzy aýyldarda ornalasqan eken. «Aýyldaǵy joǵary sanatty muǵalimder sany 11 paıyzdy quraıdy. Bul qalamen salystyrǵanda eki esege deıin az. Sonymen qatar, qaladaǵy bilim men aýyldaǵy bilim sapasynyń arasyndaǵy aıyrmashylyqty ulǵaıyp bara jatqan Ulttyq biryńǵaı testileý nátıjeleri men halyqaralyq sarapshylar da rastap otyr. Aýyl mektepterin bitirgen jastar sapasy tómen bilim alǵandyqtan júıeden ysyrylyp qalyp jatyr», - deıdi A. Sárinjipov.
Onyń aıtýynsha, búgingi kúni 7 myń mekteptiń 75 paıyzy aýyldy jerlerde ornalasqan. Olardyń tórt myńnan astamy shaǵyn jınaqty mektepter bolyp tabylady. «Shaǵyn jınaqty mektepterdiń ózi aýmaǵy úlken, halqy az eldi mekender úshin júıeli problema bolyp otyr. Al osy problemany sheshýdiń tórt negizgi joly bar. Birinshiden, shaǵyn aýyldardyń balalaryn iri eldi mekenderde turatyn orynmen, oqytýmen qamtý. Ekinshiden, iri mektepterde oqytý úshin balalardy tasymaldaýdy qamtamasyz etý. Úshinshiden, resýrstyq ortalyqtardy qurý. Tórtinshiden, aqparattyq kommýnıkatsııalyq tehnologııalardy belsendi qoldaný», - dedi mınıstr A. Sárinjipov.
