Qala men aýyl mádenıeti arasyndaǵy alshaqtyq ulǵaıyp bara jatyr - Mádenı saıasat jáne ónertaný ınstıtýtynyń dırektory
ALMATY. Jeltoqsannyń 22-si. QazAqparat /Erlik Erjanuly/ - Aýyl mádenıetin kóterý máselesin qolǵa alatyn kez keldi. Bul búgin Almatyda Mádenı saıasat jáne ónertaný ınstıtýtyndaǵy «Taǵylym» mádenı- ıntellektýaldyq klýbynyń alǵashqy otyrysynda aıtyldy,
dep habarlaıdy QazAqparat.
«Qala men aýyl mádenıetiniń arasy alshaqtap bara jatyr. Almaty kosmopolıttik qalaǵa aınaldy. Onda jahandaný mádenıetiniń elementteri basymdyq alýda. Bizdiń negizgi maqsatymyz - mádenı alshaqtyqty rettep, aqyryndap bolsa da ony bir deńgeıge keltirý jáne qazaq mádenıetiniń qundylyqtaryn shetelge kórsetý. Keńes ókimetin qurtqan «Bıtlz» toby degen uǵym bar. Munda ózderi kelmese de eldiń bári onyń ánderin tyńdady. ıAǵnı, shekarany birinshi bolyp buzǵan mádenı qundylyqtar boldy», deıdi Mádenı sasat jáne ónertaný ınstıtýtynyń dırektory Erlan Saırov. Onyń aıtýynsha, Kembrıdj ýnıversıtetiniń kitaphanasynda ózge ulttardyń mádenıeti týraly júzdegen sóre bar. Onda osy bertinge deıin qazaqtyń ulttyq mádenıeti týraly birde-bir kitap bolmapty. Tek bıylǵy jyly issaparmen barǵan delegatsııa músheleri «Dombyra» degen kitapty tartý etken. Endi ony bireý bolmasa bireý alyp oqıtyny kúmánsiz. Sol sebepti bul olqylyqty túzetý úshin arnaıy akademııa qurylyp, qazaq mádenıetine qatysty kitaptardy shet tilderge aýdaryp Oksford, Kembrıdj, Sorbona sııaqty úlken ǵylymı ortalyqtarǵa jiberý josparlanyp otyr. Sondaı-aq jańadan ashylǵan «Taǵylym» mádenı-ıntellektýaldyq klýbyna Shyǵys Qazaqstan oblysynyń Kúrshim aýdanynda turatyn Erkin Janqulıev tárizdi mádenıet qaıratkerleri tartylmaq. Ol kisi aýyldyq jerdegi mádenıet oshaqtary jabylyp jatqan kezde 8 klýbty satyp alyp, olardy jóndeýden ótkizip 1997 jyly memleketke tegin qaıtarǵan.
