Qala men aýyl arasynda kadrlardy durys bólmeý máselesi bar - vıtse-mınıstr E. Birtanov
«Búginde jalpy sala boıynsha dárigerlerdiń úlken tapshylyǵyn baıqap otyrǵanymyz joq. Halyqtyń jan basyna shaqqanda dárigerlik jáne meıirbıkelik kadrlardyń arasalmaǵy boıynsha biz halyqaralyq normalarǵa sáıkes kelemiz. Alaıda, qala men aýyl arasynda kadrlardy durys úlestirmeý máselesi bar. Qalada dárigerlermen qamtylý aıtarlyqtaı jaqsy», - dedi E. Birtanov.
Sonymen qatar ol deńgeıler boıynsha medıtsına qyzmetiniń mamandaryn bólýde problema bar ekenin aıta kele: «ıaǵnı, medıtsına qyzmetkerleri jalpy tájirıbedegi nemese ýchaskelik dárigerden góri bir baǵyttaǵy maman bolyp isteýge qyzyǵýshylyq bildiredi. Osyǵan baılanysty densaýlyq saqtaýdy damytý baǵdarlamasynyń jobasy aıasynda salada adamı resýrstardy basqarý sharalary qarastyrylǵan», - dedi.
Vıtse-mınıstrdiń sózine qaraǵanda, sonymen qatar qujatta deńgeıler arasynda medıtsınalyq resýrstardy qaıta bólýdi qamtamasyz etý eskerilip otyr. Bul turǵyda yntalandyrýshy tetikter arqyly dárigerler men meıirbıkelerdiń tabysyn arttyrýǵa múmkindik beredi.