Qala men aýyl tazalyǵy: eldi mekenderdiń tsıfrlyq pasporty engizilýi múmkin
ASTANA. KAZINFORM – Quryltaı depýtaty Aıjan Sqakova «Taza Qazaqstan» aıasynda qorshaǵan ortany qorǵaý máselesin kóterdi.
- Resmı derekterge sáıkes, tek 2025 jyldyń ózinde shamamen 7 mln adamnyń qatysýymen 1294 ekologııalyq is-shara ótti. Nátıjesinde, 1 mln gektardan astam aýmaq tazartylyp, 844 myń tonnadan astam qoqys jınaldy jáne shamamen 3 mln aǵash egildi. «Ádilet» partııasy úshin ekologııalyq mádenıettiń qoǵamdyq oryndardyń jaı-kúıine degen jaýapkershilik sezimimen ushtasýy óte mańyzdy. Osyǵan oraı, partııa fraktsııasy vandalızmniń aldyn alýǵa, keltirilgen zalaldy óteýdi qamtamasyz etýge jáne qorshaǵan ortany lastaǵany úshin jaýapkershilikti kúsheıtýge baǵyttalǵan zańnamalyq bastama kóterdi, - dedi A. Sqaqova Quryltaıdyń jalpy otyrysynda Ekologııa mınıstrligine joldaǵan saýalynda.
Osy oraıda ol bul baǵytta jumys jalǵasyp jatqanyn, bastama qolǵa alynǵaly beri shamamen 10 000 ruqsat etilmegen qoqys úıindisi joıylyp, 7 mln-ǵa jýyq aǵash egilgenin jáne 2 000-nan astam volonterlik joba júzege asyrylǵanyn aıtty. TazaQazBot arqyly azamattardan 57 000-nan astam ótinish kelip tústi.
— Bul – aýqymdy ári mańyzdy jumys. Endi tek atqarylǵan is-sharalardy qadaǵalaýmen shektelmeı, olardyń nátıjesin baǵalaýǵa kóshý óte mańyzdy. Naqty qalalar men aýyldar qanshalyqty taza bola bastady? Ruqsat etilmegen qoqys úıindileri joıyldy ma? Aýlalar men qoǵamdyq keńistikterdiń qandaı jaǵdaıda? Egilgen kóshetter saqtaldy ma? Qoqys jınaý jáne ony qaıta óńdeýge qajet ınfraqurylym bar ma? Osy turǵydan alǵanda, Tazalyqtyń ulttyq standartty ázirleý – der kezinde qolǵa alynǵan shara, – dedi tap ótti depýtat.
«Ádilet» partııasynyń fraktsııasy árbir eldi meken úshin Tazalyqtyń ulttyq standartynyń negizgi kórsetkishterin qamtıtyn tsıfrlyq pasportyn jasaýdy usyndy. Bul kórsetkishterge aýmaqtyń jaı-kúıi, qoqys jınaý jáne qaıta óńdeýge ótkizý oryndarynyń bolýy, kógaldandyrý men qoǵamdyq keńistikterdiń jaǵdaıy, sondaı-aq jaýapty organdar men qabyldanǵan sharalardyń nátıjeleri kirýi tıis.
— Mundaı pasport qala nemese aýyldyń naqty jaǵdaıyn baǵalaýǵa múmkindik beredi, — dedi Aıjan Sqaqova.
Aıta keteıik, Prezıdent tazalyqtyń ulttyq standartyn ázirleýdi tapsyrdy.
