Qala qurylysy saraptamasyn júrgizý qaǵıdalary bekitildi - QR UEM
Vedomstvoda habarlaǵandaı, 2015 jylǵy qazan aıynda «Qazaqstan Respýblıkasynyń keıbir zańnamalyq aktilerine sáýlet, qala qurylysy jáne qurylys qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń qabyldandy.
Osy Zańnyń aıasyndaqala qurylysy saraptamasyn ótkizý protsesi retteldi: barlyq deńgeıdegi qala qurylysy jobalaryna keshendi qala qurylysy saraptamasyn júrgizý qaǵıdalary bekitildi; qala qurylysy jáne qurylys jobalary (tehnıkalyq-ekonomıkalyq negizdemeler jáne jobalaý-smetalyq qujattamalar) boıynsha saraptama qorytyndylaryn resimdeý qaǵıdalaryn jáne Saraptama komıssııalaryn (saraptama toptaryn) qurý jáne keshendi vedomstvodan tys saraptamaǵa jáne qala qurylysy saraptamasyna qatysý úshin mamandardy (mamandandyrylǵan ınstıtýttar men uıymdardy) tartý qaǵıdalaryna ózgerister men tolyqtyrýlar engizildi.
«Osy qaǵıdanyń maqsaty: jobalardy keshendi qala qurylysy saraptamasynan ótkizý protsesin retteý; jobalardy keshendi qala qurylysy saraptamasynan ótkizý kezinde, saraptama komıssııalaryn (saraptama toptaryn) qurý protsesin retteý; keshendi qala qurylysy saraptamalyq qorytyndylaryn rásimdeý tártibin belgileý bolyp tabylady», - delingen mınıstrliktiń habarlamasynda.
Qaǵıdalarmen barlyq deńgeıdegi qala qurylysy jobalaryn qala qurylysy saraptamasynan ótkizý protsessi retteldi, qala qurylysy saraptamasynan ótkizýge jatatyn mindetti qala qurylysy jobalary, qala qurylysy saraptamasyn júrgizý boıynsha, saraptama komıssııasyn (saraptama toptary) qurý tártibi jáne saraptamalardyń qorytyndylaryn rásimdeý tártibi anyqtaldy.
Vedomstvonyń saraptama komıssııasy mynadaı qala qurylysy jobalaryna: Qazaqstan Respýblıkasynyń aýmaǵyn uıymdastyrýdyń bas shemasy; aýmaqty damytýdyń óńiraralyq shemasy; respýblıkalyq mańyzy bar qalanyń, astananyń, halqynyń eseptik sany júz myń turǵynnan asatyn oblystyq mańyzy bar qalalardyń bas josparlary; jalpy memlekettik mańyzy bar ózge de qala qurylysy jobalary boıynsha keshendi qala qurylysy saraptamasyn júrgizedi.
Jergilikti atqarýshy organdardyń saraptama toptary mynadaı qala qurylysy jobalaryna: oblystar, aýdandar aýmaqtarynyń qala qurylysyn josparlaýdyń keshendi shemalary; halqynyń eseptik sany bes myńnan júz myń turǵynǵa deıingi eldi mekenderdiń bas josparlaryna keshendi qala qurylysy saraptamalaryn júrgizedi.
«Qazirgi tańda, qaǵıdalar qoldanysqa engizildi, Qazaqstan Respýblıkasy Ulttyq ekonomıka mınıstrligi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti Qaǵıdalarǵa sáıkes qurylǵan saraptama komıssııalarymen qala qurylysy jobalaryna qala qurylysy saraptamalary júrgizildi: Qyzylorda oblysy Baıqońyr qalasynyń bas jospary, Almaty aglomeratsııasynyń aýmaǵyn damytý óńiraralyq shemasy. Aqtóbe oblysy Aqtóbe qalasynyń bas jospary saraptama komıssııasynyń qaraýynda», - dedi QR UEM Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń sáýlet, qala qurylysy jáne qala qurylys kadastry basqarmasynyń basshysy Táńirbergen Dárkenbaev.
