Qala qurylysy kodeksiniń jobasy qashan ázirlenedi

NUR-SULTAN. QazAqparat - QR Indýstrııa jáne ınfraqurylymdyq damý mınıstrligi «Atameken» Ulttyq Kásipkerler palatasymen birlesip, qala qurylysy kodeksi jobasynyń tujyrymdamasyn ázirleýdiń oryndylyǵyn anyqtaýǵa baǵyttalǵan sáýlet, qala qurylysy jáne qurylys salasynda zertteýler júrgizdi, dep habarlaıdy QazAqparat.

«Zertteý nátıjeleri boıynsha qala qurylysy kodeksi jobasynyń tujyrymdamasyn ázirleýdiń oryndylyǵy týraly usynystar berildi. Bul rette, qala qurylysy kodeksin ázirleý aıasynda memlekettik organdardyń fýnktsııalary túbegeıli qaıta qaralýǵa, zańnamanyń turaqtylyǵy men sala sýbektileri tarapynan oǵan degen senim arttyrylýǵa tıis. Sondyqtan bul másele mamandandyrylǵan ǵylymı-zertteý ınstıtýttaryn tarta otyryp, neǵurlym muqııat zerdeleýdi, sondaı-aq bıýdjet qarajatynyń jumsalýyna qarjylyq taldaý júrgizýdi talap etedi», - delingen QR IIDM málimetinde.

Esterińizge sala keteıik, sáýlet, qala qurylysy ári qurylys salasyndaǵy zańnamany jetildirý maqsatynda 2016 jyly QR Prezıdentiniń janyndaǵy Sybaılas jemqorlyqqa qarsy is-qımyl máseleleri jónindegi komıssııanyń otyrysynda memlekettik organdarǵa «Atameken» UKP-men birlesip, qala qurylysy kodeksin ázirleýdiń oryndylyǵy týraly máseleni pysyqtaý tapsyryldy.