Qala qurylysy kodeksin qabyldaý salaǵa erekshe serpin beredi – Raıymbek Batalov
«Atameken» Ulttyq kásipkerler palatasynyń X sezi qarsańynda kásipkerlerdiń ortalyq memlekettik organdar ókilderimen kezdesýinde Qazaqstan qurylys salýshylar qaýymdastyǵynyń prezıdenti Vıktor Mıkrıýkov qala qurylysy kodeksin ázirleý qajettigin aıtty.
«Birinshi kezekte qurylys salasyndaǵy bıznes naryqtaǵy qazirgi jaǵdaıdy naqty eskeretin qujattyń qabyldanýyn kútedi. Óıtkeni «jańa zaman jańa erejemen» júrýdi talap etedi. Ekinshiden, biz jańa kodekste jazanyń bultartpastyǵyna kepildik beretin naqty jaýapkershilik sharalary jazylady dep kútemiz. Úshinshiden, Memleket basshysy aıtqandaı, bıýrokratııalanǵan júıeden shyǵyp, sybaılas jemqorlyq táýekelderin azaıta alamyz», – dedi ol.
Osy oraıda «Atameken» UKP Tóralqa tóraǵasy Raıymbek Batalov palata 2016 jyldan bastap qala qurylysy kodeksin ázirleý máselesin kóterip kele jatqanyna nazar aýdartty.
«Qala qurylysy kodeksin qabyldaý týraly Memleket basshysy aıtqan soń endi eshkim normatıvtik-quqyqtyq aktilerdi óz múddesi úshin túsindire almaıtynyn, osylaısha kásipkerler úshin jasandy kedergiler jasalmaıtynyn túsinemiz. Biz jańa qujatty qabyldaý qurylys salasy úshin erekshe serpin bolady jáne ony sapaly jańa deńgeıge shyǵarýǵa múmkindik beredi dep kútemiz», – dedi Raıymbek Batalov.
