Qala kúnine oraı Nur-Sultanda azyq-túlik jármeńkesi ótedi
NUR-SULTAN. QazAqparat - 6 jáne 7 shildede elorda kúnin merekeleý aıasynda Nur-Sultan qalasynda dástúrli aýylsharýashylyq jármeńkeleri ótedi. Elordaǵa respýblıkanyń tórt óńirinen jalpy kólemi 800 tonnalyq kerýen keledi, dep habarlaıdy QazAqparat qala ákimdiginiń resmı saıtyna silteme jasap.
6-7 shildede «Qazaqstan» sport kesheniniń alańynda Batys Qazaqstan jáne Qaraǵandy oblystary óz ónimderin usynady. Osy kúnderi «Han Shatyr» SOO alańynda Pavlodar jáne Aqmola oblystarynyń qatysýymen jármeńke ótedi.
Jármeńkedegi baǵa naryqtyq baǵadan 20%-ǵa tómen, bul elorda turǵyndary men qonaqtaryna ónimdi birneshe apta buryn qolaıly baǵamen satyp alýǵa múmkindik beredi.
Olardyń qatarynda et, shujyq, et konservileri, balyq, sary maı, ósimdik maıy, sút, qyshqyl sút ónimderi, kókónister men jemister, pechene, kámpıt, kúrish, makaron, nan-toqash ónimderi jáne taǵy basqalar bar.
Aýyl sharýashylyǵy ónimderinen basqa, jármeńke aýmaǵynda óz óńiriniń mádenıeti men dástúrlerin kórsetetin kórkemónerpazdar ujymdarynyń qatysýymen kontserttik baǵdarlama ɵtedi.
Sonymen qatar, ár óńir az qamtylǵan 150-200 otbasy úshin qaıyrymdylyq aktsııasyn ótkizedi.
