Qala kúninde elordalyq 35 jup nekelerin qıdy
ASTANA. 6 shilde. QazAqparat - Búgin, 6 shilde - Astananyń 15 jyldyǵy datasynda elordada 35 jup resmı túrde nekelerin qıdyrdy.
Neke týraly kýálikti saltanatty jaǵdaıda tapsyrý rásimi "Saltanat saraıynda" ótti. Bundaı rásimder elordanyń týǵan kúnine oraı jylda ótkiziletin dástúrge aınaldy. Atalǵan shara Qala kúninde osymen altynshy ret ótýde. Jas jubaılar arasynda búgin ınternatsıonaldyq nekeler de boldy. Mysaly, Maýnel De Lıa Rosso Meksıkadan kelgen. Nazarbaev Ýnıversıtetinde ustazdyq etedi. Óziniń jary Madına Malaevamen ol ýnıversıtet qabyrǵasynda tanysqan.
Saltanatty sharadan keıin jas jubaılar týtuǵyrǵa qaraı kóterilip, kók aspanǵa aq sharlardy ushyrdy. Osydan keıin "Dýman" oıyn-saýyq kesheninde kontserttik baǵdarlama, túrli oıyndar ótti. Sonymen qatar toı qonaqtaryna dastarhan jaıylyp, merekelik úlken tort tartý etildi.
