Qala kúninde Astanada aspazdar festıvali ótedi
ASTANA. 12 maýsym. QazAqparat - Astananyń 14 jyldyǵyn merekeleý kezinde qalalyq alańda «Aspazdyq sheberligi - súıikti qalamyzǵa» aspazdyq festıvali ótedi, dep habarlaıdy astanaday.kz saıty.
Oǵan qala meıramhanalary men dámhanalary qatysady. Sondaı-aq, «Eń dámdi pisirilgen toqash», «Eń úzdik ulttyq taǵam» jáne basqa da atalymdar boıynsha baıqaý uıymdastyrylady.
Qatysýǵa nıetti kásiporyndar daıyndaǵan taǵamdarynan dám tatqyzady. Festıval kezinde túrli ulttyq taǵamdardyń kórmesi jaıylyp, satýǵa da qoıylady. Sońynan dámi til úıirer taǵam ázirlegenderge dıplomdar tabys etiledi.
