Qala kúninde Almatyda qandaı is-sharalar ótedi
ALMATY. QazAqparat- Almatyda qala kúnine oraı 16-18 qyrkúıek aralyǵynda merekelik is-sharalar ótedi. Qala turǵyndary men qonaqtary kontsertter, jármeńkeler, festıvaldar tamashalaı alady, dep habarlaıdy QazAqparat tilshisi.
Merekelik is-sharalar bir mezette birneshe jerde ótedi. Atap aıtar bolsaq, Tuńǵysh Prezıdent saıabaǵy, Abaı alańy, Panfılov jáne Jibek Joly kósheleri, Abaı atyndaǵy qazaq ulttyq opera jáne balet teatry aldyndaǵy alańda, Astana alańy jáne «Almaty Arena» muz saraıy. 16 qyrkúıek kúni saǵat 15:00-de «Alataý» dástúrli óner teatrynda respýblıkalyq aqyndar aıtysy uıymdastyrylady. Osy kúni keshki saǵat 16:00-de «Medeý» muz aıdynynda «Medeu Party» halyqaralyq strıt-art festıvali ótedi.
17 qyrkúıekte saǵat 17:00-de «Astana» alańynda «Gakku daýysy» zamanaýı qazaqstandyq mýzyka festıvali ótedi. Qalanyń barlyq aýdanynda merekelik kontsertter ótedi (Alataý aýdany: «Alataý» dástúrli óner teatry aldyndaǵy aýmaq; Almaly aýdany: Mega Park SOO aýmaǵy; Áýezov aýdany: Family park aýmaǵy; Bostandyq aýdany: Mega Almaty; Jetisý aýdany: Qulager shaǵyn aýdanynyń jaıaý júrginshiler aımaǵy; Medeý aýdany: Ortalyq mádenıet jáne demalys saıabaǵy; Naýryzbaı aýdany: Shuǵyla kóshesi, 347 meken-jaıyndaǵy ákimdik ǵımaratynyń aldy; Túrksib aýdany: Seıfýllın atyndaǵy saıabaq).
17-18 qyrkúıek saǵat 11:00-den bastap Abaı atyndaǵy QUOBT aldyndaǵy alańda (Jibek Joly jáne Panfılov kósheleriniń qıylysy) 1940-shy jyldardan bastap qazirgi kúnge deıingi qalanyń mádenı-tarıhı dáýirine arnalǵan «Súıemin seni, Almaty» festıvali ótedi. 18 qyrkúıekte Tuńǵysh Prezıdent saıabaǵynda «Alma fest» negizgi merekelik is-sharasy uıymdastyrylady, sonyń aıasynda alma jármeńkesi, kontserttik baǵdarlama jáne kóptegen is-shara bolady.
Keshki saǵat 18:00-de almatylyqtar men qala qonaqtar Almaty Arena muz kesheninde Salem Almaty kontsertin tamashalaı alady. Al, saǵat 19:00-de «Astana» alańynda Zhuldyzdy Live kontserti bolady
