Qala kúni Semeıde 17 náreste dúnıege keldi
SEMEI. QazAqparat – Qala kúni Semeıde 17 náreste: 9 ul men 8 qyz dúnıege keldi, dep habarlaıdy QazAqparat Altaynews.kz saıtyna silteme jasap.
Merekelik kún Abaı, Shákárim, Muhtar Áýezov, Álıhan Bókeıhanov, Qaıym Muhamedhanov jáne basqa da ataqty tulǵalardyń eskertkishterine gúl shoǵyn qoıýdan bastaldy.
Osy kúni 17 náreste dúnıege keldi. Semeı qalasynyń ákimi Ermak Sálimov perzenthanaǵa baryp, sábıli bolǵan analardy quttyqtady. Ol qala basshylyǵy atynan sábılerge syılyq berdi.
Sondaı-aq, qala ákimi bul kúni shańyraq kótergen jas jubaılar – Ermek pen Ásemdi quttyqtady. Olar toı qaı kúni bolatyny týraly uzaq oılanǵan. Osylaısha olardyń ómirlerindegi eń baqytty kún qala kúnimen sáıkes kelgen.
