Qala kúni merekesiniń aldynda QR Tuńǵysh Prezıdentiniń murajaıynda «Jaınaı bersin, Astanam!» atty balalar merekesi ótti
ASTANA. Shildeniń 2-si. QazAqparat /Janna Qorqytova/ - Búgin Astanada Qala kúni merekesiniń qarsańynda QR Tuńǵysh Prezıdentiniń murajaıynda «Jaınaı bersin, Astanam!» atty balalar merekesi ótti.
Astana kúniniń aldynda balalar meıramyn ótkizý dástúrge aınalǵan. Osy joly qala turǵyndaryn №19 «Balbóbek» balabaqshasynyń tárbıelenýshileri quttyqtady.
Osy mereke úshin balalar arnaıy vokaldy-horeografııalyq baǵdarlama daıyndaǵan. Olardyń oılap tapqan ertegisinde Arýjan atty qyz Qazaqstan astanasyna kelip, álemnen izdegen baqytyn tapqysy keledi. Balabaqsha tárbıelenýshileri Astananyń erekshelikterin pash etetin án, bı, óleń arqyly kishkentaı qyzǵa qalanyń qonaqjaılylyǵyn tanystyrdy.
