Qala kúni merekesine oraı «Astana aspany» batpyraýyqtar festıvali ótedi
ASTANA. QazAqparat - 5 shildede saǵat 12:00 den bastap 22:00-ge deıin Aqbulaq ózeni Saıabaq aýmaǵynda ótetin batpyraýyqtardyń alǵashqy festıvali ótedi.
Bul Astananyń 16 jyldyǵyn merekeleý kúnderi qala turǵyndaryna tamasha tartý bolmaq. Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan astana.kz saıtyna habarlaǵandaı, atalmysh sharaǵa qysqa shoý-baǵdarlama men (sýretti sherý) oıyn-saýyq, negizgi shoý, aýqymdy kórinis engen. Batpyraýyqtardy basqarý ónerin dáripteıtin atalmysh sport túrinen halyqaralyq jarystardyń jeńimpazdary óz ónerlerin ortaǵa salady, al elorda turǵyndary men qonaqtary taza aýada jylandar bıine qanyǵyp, batpyraýyqtardy jasap, ushyrady, sheberlik synyptaryna qatysady. Uıymdastyrýshylardyń pikirinshe, mereke jasyl ekonomıka ustanymdaryn qoldaýǵa baǵyttalǵan. Jylandar bambýkten jáne qaıta óńdeletin qaǵazdan jasalmaq.
