Qala kúni merekesinde Larısa Dolına, Oleg Pogýdın men Nıno Lejava óner kórsetedi
ASTANA. QazAqparat - Qala kúni merekesine oraı uıymdastyrylǵan «Astana keshteri» III halyqaralyq óner festıvali bıyl 20-22 maýsym aralyǵynda ótedi.
Bul týraly Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan habarlady.
Atalmysh festıval aıasyndaǵy úsh kontsertke Reseı, Qazaqstan, Ázerbaıjan jáne Italııanyń tanymal oryndaýshylary qatysady. Olardyń arasynda Larısa Dolına, Oleg Pogýdın men Nıno Lejava bar. Al kontsertterdiń bári life formatynda ótedi.
Aıta keter jaıt, «Astana keshteri» III halyqaralyq óner festıvali qaıyrymdylyq sharasyna jatady. Bıletter tegin taratylady. Festıval uıymdastyrýshylarynyń maqsaty - turǵyndardyń túrli áleýmettik toptaryn álemdik mýzyka jaýharlarymen sýsyndatý.
Osyǵan deıingi ótken eki festıval sátti uıymdastyryldy. Onyń birine Elbasy Nursultan Nazarbaev qatysqan bolatyn. Qazirgi joba burynǵydan da aýqymdy ári jan-jaqty bolady dep kútilýde. Uıymdastyrýshylary: «Degdar» qoǵamdyq qory, «Djeı Tı Aı Kazahstan» kompanııasy.
F estıval kestesi : 20 maýsym saǵat 14.00 Beıbitshilik jáne kelisim saraıy (holl)
Vadım Solovev fotokórmesiniń ashylýy
20 maýsym saǵat 19.00 Beıbitshilik jáne kelisim saraıy
Qurmanǵazy atyndaǵy Qazaq memlekettik akademııalyq ult aspaptar orkestri
Jeke oryndaýshylar Aıgúl Qosanova, Shaba Ádenqulqyzy
Erlan Rysqalı, Qanat Ámirhanov 21 maýsym saǵat 14.00 «Astana Opera» teatry (kameralyq zal)
Fortepıano jáne vokaldy mýzyka kontserti
Tımýr Ormanshıev (f-no) - Qazaqstan
Nıno Lejava (soprano) - Italııa
21 maýsym saǵat 19.00 Beıbitshilik jáne kelisim saraıy
Reseıdiń jeztańdaı ánshisi Oleg Pogýdın (Sankt-Peterbor). Reseılik mýzykant, orys romanstaryn oryndaýshy, dotsent, Reseıdiń eńbek sińirgen ártisi
21 maýsym saǵat 14.00 «Astana Opera»teatry (kameralyq zal)
Ázerbaıjandyq dástúrli mýgama oryndaýshylarynyń ansambli (Baký)
22 maýsym saǵat 19.00 Beıbitshilik jáne kelisim saraıy
Larısa Dolına;
Vadım Eılenkrıg (kerneı) - Reseı;
Tımýr Ormanshıev (f-no);
«Astana» estradalyq-sımfonııalyq orkestri
Aıta keter jaıt, Astana turǵyndary men qonaqtary barlyq kontsertterge shaqyrý bıletterin Beıbitshilik jáne kelisim saraıy kassasynan tegin ala alady.
