Qala kúni qarsańynda elordalyq 30 jup nekelerin qıdy (VIDEO, FOTO)
ASTANA. QazAqparat - Búgin Astananyń 17 jyldyǵy qarsańynda elordada 30 jup resmı túrde nekelerin qıdyrdy.
Neke týraly kýálikti saltanatty jaǵdaıda tapsyrý rásimi "Saltanat saraıynda" ótti. Bundaı rásimder elordanyń týǵan kúnine oraı jylda ótkiziletin dástúrge aınaldy. Atalǵan shara Qala kúninde osymen segizinshi ret ótýde. Jas jubaılar arasynda búgin ınternatsıonaldyq nekeler de boldy.
Saltanatty sharadan keıin jas jubaılar týtuǵyrǵa qaraı kóterilip, kók aspanǵa aq sharlardy ushyrdy. Osydan keıin "Dýman" oıyn-saýyq kesheninde kontserttik baǵdarlama, túrli oıyndar ótti. Sonymen qatar toı qonaqtaryna dastarhan jaıylyp, merekelik úlken tort tartý etildi.
"Osynda Astana kúninde neke qııýǵa nıet bildirgen juptar jınalyp otyr. Qatysýshylar sharaǵa bir kún qalǵanda da qosylyp jatty. Bul atalmysh jobanyń tanymaldylyǵyn, osy sharanyń bedelin kórsetedi", - deıdi qalanyń kásipkerlik jáne ónerkásip basqarmasynyń basshysy Ryskúl Qaýǵabaeva.
