Qala kúni qarsańynda 48 nəreste dúnıe esigin ashty - Almaty
ALMATY. QazAqparat - Almatyda qala kúni qarsańynda 48 nəreste dúnıe esigin ashty. Bul týraly qalalyq Densaýlyq saqtaý basqarmasynyń baspasóz qyzmeti habarlady.
Qala perzenthanalarynda qyrkúıektiń 19-ynan 20-syna qaraǵan túnnen kúndizgi 12-ge deıin 27 ul jəne 21 qyz bala dúnıege keldi. Qala kúni meıramynda ómirge kelgen barlyq səbılerge qalalyq əkimdiktiń atynan quttyqtaý haty, densaýlyq saqtaý basqarmasynyń atynan syı-syıapat tabys etildi.
Aıta ketý kerek, mundaı syılyqtar búgin túngi 12-ge deıin týylatyn balalardyń ata analaryna da beriledi. Bul kúni jaryq dúnıe esigin ashatyn sábılerdi tirkeý úshin ər perzenthanaǵa arnaıy maman bólingen.
Almatyda barlyǵy 4 perzenthana, 1 aýrýhana janyndaǵy bosandyrý bólimshesi, 3 deńgeıli 2 perınataldyq ortalyq bar.
