Qala kúni: Kóktóbeniń aspaly joly almatylyqtarǵa tegin bolady

ALMATY. KAZINFORM – Búgin Almaty turǵyndary men qonaqtaryna qala kúni merekesine oraı erekshe syı jasaldy. 

Saǵat 16:00-den bastap «Kóktóbege» kóteriletin aspaly jol tegin bolady. Bul qala turǵyndary men qonaqtarynyń taý basyna kóterilip, mýzykalyq keshtiń kýási bolýǵa jol ashady. 

Al saǵat 18:00-de «Kóktóbe» saıabaǵynyń sahnasynda klassıkalyq mýzykaǵa arnalǵan halyqaralyq festıval – «Kóktóbe opera – 2025» shymyldyǵyn túrmek. Almatylyqtar Zarına Altynbaeva, Rasýl Jarmaǵambetov, Jámıla Baspanova, Balýan Berkenov, Oksana Davydenko, Nurjan Bájekenov, Venera Alpysbaeva jáne Marına Altýhova syndy belgili opera sheberleri óner kórsetedi.

– «Saltanat» bı ansambliniń áserli qoıylymdary, Il canto kvarteti men dırıjer Alekseı Belıakov basqarǵan sımfonııalyq orkestrdiń óneri keshtiń kórkin kirgizedi. Festıvaldiń arnaıy qonaqtary ıspandyq tenor Enrıke Ferrer jáne japon balerınasy Arısa Hasımoto, - dep habarlady ákimdikten.

Kontsertke kirý tegin. 

Eske salaıyq, buǵan deıin almatylyqtar Qala kúnin qalaı atap ótetinin jazǵanbyz.