Qala ishinde de kóliktiń artqy oryndyǵynda otyrǵan eresekterge qaýipsizdik beldigin taǵý mindettelýde
ASTANA. QazAqparat - Avtokólikte otyrǵan adamdardyń barlyǵy, tipti artqy oryndyqtardaǵy jolaýshylar da qaýipsizdik beldigin taǵýǵa mindetti.
Bul týraly búgin ótken brıfıng barysynda Astana qalalyq ІІD Ákimshilik polıtsııa basqarmasy basshysynyń orynbasary Sabyr Júsipbekov aıtty. «Kólikte otyrǵan adamdardyń barlyǵy qaýipsizdik beldigin taǵýy kerek degen ereje burynnan bar. Bul zańdy da. Qalada bolsyn, tas jolda bolsyn qaýipsizdik beldigin taǵyp otyrý ár adamnyń qaýipsizdigi úshin qajet. Degenmen qazir qala ishinde kóp adamdar bul erejeni saqtaı bermeıdi», - dedi basqarma basshysynyń orynbasary.
