«Qala hıkaıalary» respýblıkalyq ádebı baıqaýyna ótinim qabyldaý bastaldy
ASTANA. KAZINFORM — Proza janryna arnalǵan baıqaý jańa esimderdi anyqtaýǵa jáne qoldaýǵa baǵyttalady.
Baıqaýǵa qatysýshylarǵa qala mádenıeti, adam taǵdyry, qoǵamdaǵy ózgerister, sondaı-aq ulttyq bolmys pen zamanaýı qundylyqtardyń sabaqtastyǵy taqyryptaryn kórkem týyndylar arqyly jetkizý usynylady.
Ádebı baıqaýǵa Qazaqstan Respýblıkasynyń azamattary qatysa alady. Qatysý úshin kólemi keminde 10 avtorlyq baspa tabaq (bir avtorlyq baspa tabaqtyń kólemi 40 myń baspa tańbasyn quraıdy) bolatyn, buryn esh jerde jarııalanbaǵan qala taqyrybyndaǵy romandar qabyldanady. Ár avtor bir ǵana shyǵarmasyn usyna alady.
Ótinim 2026 jylǵy 1 qyrkúıek pen 31 jeltoqsan aralyǵynda qoljazba.bookfund.kz saıty arqyly qabyldanady.
Júldeli oryn alǵan týyndylar 15 myń danamen basylyp, elimizdiń kitaphanalaryna taratylady.
Aıta ketelik Astanada «Úzdik pedagog-2026» baıqaýyna qujat qabyldaý bastalatyny týraly jazǵan edik.
