Qala halqy kóbeıip, aýyldyqtar azaıyp jatyr - ctatbıýro

Ulttyq statıstıka bıýrosy ýrbanızatsııanyń álemdik trendi Qazaqstanda da baıqalatynyn málimdedi, dep habarlaıdy Kazinform.

Sanaq qorytyndysy boıynsha qala turǵyndarynyń úlesi 5 paıyzdyq tarmaqqa ósti, 56,1%-dan 61,2% deıin. Tıisinshe, aýyl halqynyń úlesi 43,9%-dan 38,8% deıin azaıdy.

"Qala halqynyń sany 2,7 mln-nan astam adamǵa artty. Ótken 12 jyl ishinde qala halqynyń eń joǵary ósimi elimizdiń 6 óńirinde – Aqtóbe, Atyraý, Batys Qazaqstan, Qyzylorda, Mańǵystaý, Túrkistan oblystarynda baıqaldy.

Eń ýrbanızatsııalanǵan aımaq – Qaraǵandy oblysy, onda halyqtyń 80% - qala turǵyndary (1 mln-nan astam adam)", - delingen vedomstvo dereginde.

Respýblıkalyq mańyzy bar qalalar boıynsha, sanaq kezinde Astanada 1,23 mln adam turdy, elorda halqy 12 jylda 2 ese ósti. Almatyda halyq sany 2,03 mln adamdy qurady, megapolıs turǵyndarynyń sany 580,6 myń adamǵa artty. Shymkent qalasynyń halqy 1,1 mln turǵyndy qurap, 381,6 myń adamǵa ósti.

Aıta keteıik, eki sanaq aralyǵyndaǵy kezeńde atalǵan qalalardyń árqaısysynda qosymsha bir-bir aýdannan quryldy.

Halqy 50 myńnan 99,9 myń adamǵa deıingi qalalar sany 8-den 14 birlikke deıin ósti.