Qala boıynsha 2013 jyly 18 myńǵa jýyq jańa jumys orny ashyldy - Astana ákimi

ASTANA. 27 jeltoqsan. QazAqparat - Jalpy qala boıynsha 2013 jyly 18 myńǵa jýyq jańa jumys orny ashyldy.

Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda elordanyń ákimi Imanǵalı Tasmaǵambetov málim etti.

«Astananyń ındýstrııalyq-ınnovatsııalyq damýy boıynsha jalpy kólemi 87 mlrd. teńgeden astam qarjyny quraǵan 19 ınvestıtsııalyq jobanyń jumysy jolǵa qoıyldy. Osynyń arqasynda qalamyzda 3 myńnan astam jańa jumys orny ashyldy»,-dedi ákim.

I. Tasmaǵambetovtiń sózine qaraǵanda, jalpy qala boıynsha 2013 jyly 18 myńǵa jýyq jańa jumys orny ashylsa, onyń 12 myńy shaǵyn jáne orta bıznes salasynda. Nátıjesinde osy jyly qala qazynasyna quıylǵan salyq túsiminiń kólemi 600 mlrd. teńgeni qurady.