Qala bıliginen iri mólsherde aqsha talap etken telefon lańkesi ustaldy - Almaty qalalyq ІІD
ALMATY. 5 mamyr. QazAqparat /Aıgúl Turysbekova/ - Almatyda qala bıliginen iri mólsherde aqsha talap etken telefon lańkesi ustaldy, dep habarlady qalalyq ІІD baspasóz qyzmeti.
18 jastaǵy qala turǵyny Almatynyń Medeý aýdanyndaǵy Pogodın men Tıýlenın kósheleriniń buryshynda ornalasqan jarylǵysh zatty iske qosamyn dep qoqan-loqy jasaı otyryp, qala bıliginen 400 myń teńge talap etti. Bul týraly Almaty qalasy ІІD baspasóz qyzmeti habarlady.
«Qalany qutqarý qyzmeti» pýltine dabyldy qońyraý kelip túsken. Sáıkesinshe, bul fakti polıtsııaǵa habarlandy. Bizge shuǵyl sol jerdi qorshaýǵa alyp, jol qaýipsizdigin qamtamasyz etip, qońyraý shalǵan adamdy izdestirý jumystaryn júrgizýge týra keldi ", - dep habarlady Medeý aýdandyq ІІB bastyǵy polıtsııa polkovnıgi Baqyt Qasabekov.
Sonymen birge, TJ mamandary bir saǵattyń ishinde aıtylǵan jerge komıssııalyq tekseris júrgizdi. Degenmen jarylǵysh zat týraly aqparat rastalǵan joq. Onyń sózine qaraǵanda, qalalyq qyzmetpen Almatynyń 18 jasar jumyssyz turǵyny qaljyńdasqysy kelgen kórinedi.
