Qala ákimi Ahmetjan Esimov A.V. Seleznev atyndaǵy Almaty horeografııalyq ýchılışesinde boldy

dep habarlaıdy QazAqparat Almaty qalasy ákiminiń baspasóz qyzmetine silteme jasap.

         Ákim oqýshylardyń jaǵdaıymen, oqý protsesimen keńinen tanysty. «Sizderdiń ónerlerińizdi tamashalap, úlken rýhanı lázzat aldyq. Men búgin ýchılışe basshylyǵyna, oqytýshylar ujymyna, tárbıshilerine eren eńbekteri úshin alǵys aıtamyn. Aty ańyzǵa aınalǵan osyndaı oqý ornynda úlken mádenıetke qadam basý - úlken qurmet. Munda barlyq jaǵdaı jasalǵan. Memleket basshysy  bul oqý ornyn baǵalaıdy jáne Qazaqstandy  álemge  tanytatyn óner sheberleriniń osynda dáris alatyndyǵyn da jaqsy biledi. Álem sahnalarynan kórinip, laıyqty  óner shyńyna kóterilýlerińizge tilektespin», dedi  ákim Ahmetjan Esimov.

         Jetekshi oqý orny óziniń 75 jyldyǵyn atap ótýde.              Ýchılışe túlekteri álemniń ár elinde óner kórsetip, balet ónerin damytyp keledi. Bul ujym  túlekteri Qazaqstan baletiniń negizin qalaǵan. Atalmysh ýchılışede «Órleý»  atty  Halyqaralyq baıqaý ótip turady.  Baıqaýdyń atymen ýchılışe janynan jaqynda teatr ashylǵan bolatyn.