Qaqtyǵys aımaqtarynda qarý ustaǵan 100-ge tarta qazaqstandyq júr- UQK

ASTANA. QazAqparat -Qaqtyǵys aımaqtarynda qolyna qarý ustaǵan 100-ge tarta qazaqstandyq bar. Bul týraly QR Ulttyq qaýipsizdik komıteti tóraǵasynyń orynbasary Nurǵalı Bilisbekov aıtty, dep habarlaıdy QazAqparat tilshisi.

QR UQK tóraǵasy orynbasarynyń atap ótýinshe, búginde qaqtyǵys aımaqtarynda aımaqtarynda 300-den astam qazaqstandyq baıqalǵan, onyń ishinde 100-ge jýyǵy qarý ustaǵandar qatarynda. Al qalǵan 250-ge tarta adamnyń arasynda áıelder men balalar bar. Bul adamdar Sırııa, Irak, Aýǵanstan aýmaǵynda júrgeni anyqtaldy.

«Áıelderdiń negizgi bóligi qaqtyǵys aımaqtaryna ózderiniń kúıeýlerine erip barǵan. Qaqtyǵys jerlerinde keıbir áıelder osy soǵys protsesterine jumyldyrylǵany týraly málimet boldy. Biz qylmystyq quqyq turǵysynan olardyń is-qımylyn tıisti deńgeıde baǵalap otyrmyz. Olar elge oralǵan jaǵdaıda qylmystyq jaýapkershilikke tartylady», - dedi N. Bilisbekov QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda.

Eske sala ketsek, bıyl qańtar aıynyń basynda Qazaqstan Prezıdenti Nursultan Nazarbaev Qazaqstan azamattaryn Sırııadan evakýatsııalaýǵa baılanysty málimdeme jasaǵan bolatyn.

Memleket basshysy óz sózinde atap ótkendeı, 6 qańtarda quqyq qorǵaý organdary men Syrtqy ister mınıstrligi júrgizgen gýmanıtarlyq shara nátıjesinde Sırııadan 47 azamatymyz, sonyń ishinde 30 bala elimizge qaıtarylǵan.

Budan buryn habarlanǵandaı, QR Ulttyq qaýipsizdik komıteti tóraǵasynyń orynbasary qańtar aıynyń orta kezinde Almatyda terrorlyq aktiler jasamaq bolǵan top músheleriniń ustalý oqıǵasyna qatysty túsinik berdi.