Qaqtyǵysty toqtatý jáne Qyrymdy qaıtarý: AQSh pen Norvegııa basshylary neni talqylady

ASTANA. KAZINFORM — AQSh prezıdenti Donald Tramp beısenbi kúni Aq úıde Norvegııa premer-mınıstri Ionas Gar Steremen kezdesip, Reseı-Ýkraına qaqtyǵysy men paıyzdyq mólsherlemelerdi talqylady, dep habarlaıdy Spectrum News. 

Tramptyń Reseı men Ýkraınanyń atysty toqtatýǵa kelisý úshin «óz merzimi» bar ekenin málimdedi. 

— Meniń óz merzimim bar jáne biz onyń tez bolǵanyn qalaımyz, — dedi Donald Tramp.

AQSh prezıdenti bul kúnniń naqty qashan bolatynyn naqtylaǵan joq, biraq Norvegııa basshysy bul áreketterge kómektesip jatqanyn qosyp ótti. 

Tramptyń habarlaýynsha, Reseıdiń soǵysty toqtatyp, Ýkraınanyń «búkil aýmaǵyn basyp almaý» týraly kelisimi onyń tarapynan «úlken jeńildik» boldy. 

AQSh prezıdenti Sopaq kabınette Qyrymdy Ýkraınaǵa qaıtarý múmkindigin «óte qıyn» dep aıtyp, burynǵy prezıdent Barak Obama bılikte bolǵan kezde Reseıdiń bul aýmaqty baqylaýǵa alǵanyn atap ótti. 

Stere amerıkalyq áriptesiniń soǵysty toqtatýǵa baǵyttalǵan kúsh-jigerin joǵary baǵalady, bul sátti «synı» dep atap, atysty toqtatýǵa shaqyrdy.

— Bul kúrdeli kórinis, biraq ony sheshý úshin saıası erik pen jigerdi qajet, jáne biz bul týraly ıdeıalarmen almastyq, — dedi Stere Sopaq keńsede.

Tramp Stereni «uly kóshbasshy» retinde maqtap, Norvegııany «óziniń istep jatqanyn jalǵastyra berýge» shaqyrdy. 

Tramp AQSh pen Norvegııa tarıf máselesin «tez» sheshetinine senimdi boldy. AQSh prezıdenti Norvegııa AQSh-tyń saýdadan da paıda kóretin «ýaqyty jetkenin» túsinetinin habarlady.

Norvegııa basshysynyń Tramppen kezdesýinde sondaı-aq jaqynda Soltústikatlantıkalyq Shart Uıymynyń basshysy qyzmetinen ketken Iens Stoltenberg te boldy.

Tramp NATO-nyń burynǵy basshysyn áskerı bloktaǵy qyzmetinde «óte jaqsy jumysy» úshin maqtady.

Buǵan deıin Tramp Reseı men Ýkraına arasyndaǵy beıbit kelisimge qol qoıýǵa taǵy da shaqyrdy.