Qaqtyǵys bastalǵannan beri birinshi krýızdik keme Ormýz buǵazy arqyly ótti
ASTANA. KAZINFORM — Iran men AQSh soǵys bastalǵaly is júzinde jabylǵan strategııalyq sý jolynyń atysty toqtatý kelisimi aıaqtalǵanǵa deıin kommertsııalyq qozǵalys úshin tolyǵymen ashylatynyn málimdedi, dep habarlaıdy Euronews.
MarineTraffic júk tasymaldaý agenttiginiń habarlaýynsha, Malta týy bar keme jolaýshylarsyz Omanǵa baǵyt alǵan. Ol 47 kún boıy portta turyp, 17 sáýir kúni Dýbaı qalasynan shyqqan.
Habarlamaǵa sáıkes, «Celestyal Discovery» kemesi senbi kúni Omanǵa jetedi dep josparlanǵan.
Buǵan deıin Iran men AQSh soǵys bastalǵaly beri is júzinde jabyq bolǵan strategııalyq sý joly bitim aıaqtalǵanǵa deıin kommertsııalyq qozǵalys úshin tolyq ashylatynyn málimdegen edi. Alaıda Iran birneshe shart qoıdy: kemeler men júkterdiń AQSh pen Izraılge qatysy bolmaýy, sondaı-aq áskerı kemelerdiń ótýine tyıym salý.
Euronews tilshileriniń oqıǵa ornynan bergen alǵashqy habarlamalaryna qaraǵanda, Parsy shyǵanaǵy porttarynda turyp qalǵan krýızdik laınerler — ekeýi Doha qalasynda, onyń bireýi nemistiń TUI Group kompanııasyna tıesili, taǵy biri Abý-Dabı qalasynda — qazirdiń ózinde jolǵa shyǵýǵa daıyn nemese porttardan shyǵyp ketken. Bul Ormýz buǵazy arqyly keme qatynasynyń qaıta jandana bastaǵanyn kórsetedi.
Grek kompanııalary basqaratyn eki krýızdik keme jol boıynda teńizdi qadaǵalaý qoldanbalarynda kórsetildi. Qazir Celestyal Discovery Ormýz buǵazy arqyly ótip úlgerdi, al Celestyal Journey Doha portynan shyqty.
Aıta keteıik, Iran Ormýz buǵazy arqyly tranzıt úshin esep aıyrysýdy rıalmen júrgizýdi usyndy.
