Qaqpashylarǵa álem chempıonatynyń resmı doby unamaı otyr
ASTANA. Maýsymnyń 4-i. QazAqparat - Fýtbol jankúıerleri asyǵa kútip otyrǵan Ońtústik Afrıka Respýblıkasyndaǵy álem chempıonatynyń bastalýyna 1 apta ǵana ýaqyt qaldy. Al qaqpashylarǵa chempıonattyń resmı doby unamaı otyr, dep habarlaıdy «Maıak» radıosy.
Birneshe fýtbol quramasynyń qaqpashylary álem chempıonatynyń resmı dobyna kóńilderi tolmaıtynyn aıtyp otyr.
Dop «Djabýlanı» dep atalady, bul jergilikti zýlýstardyń tilinen aýdarǵanda «merekelik» degendi bildiredi eken.
AQSh quramasynyń golkıperi brıtandyq mamandar ázirlegen dop «óte jaman» jasalǵanyn aıtsa, ıtalıandyqtardyń qaqpashysy Djanlýıdjı Býffon, «jumsartyp aıtar bolsam, doptyń qaı jaqqa ushatynyn boljap bolmaıdy» dep otyr.
Óz áriptesterimen kelisip otyrǵan Brazılııa qaqpashysy da, «Djabýlanı» dobyn kez-kelgen dúkende satylatyn arzanqol doptarǵa uqsatyp otyr.
FIFA bolsa, bul aryz-shaǵymdarǵa bergen jaýabynda «fýtbolshylar álemdik birinshilikte jeńilip qalǵandaı bolsa, sátsizdikterin osylaı aqtap almaq» dep otyr.
"Djabýlanı" jańa býyn plastıginen jáne dástúrli 14 sektsııanyń ornyna 8 sektsııadan jasalǵan. Ony ázirleýge 7 jyldaı ýaqyt ketipti.
